Foto: Aqordanyń baspasóz qyzmeti
Memleket basshysy Qasym-Jomart Toqaev Astana ákimi Jeńis Qasymbekke qalanyń ahýalyn jaqsy jaǵyna qarai ózgertý úshin bir jyl ýaqyt berdi, dep habarlaidy "Ult aqparat" Aqordanyń baspasóz qyzmetine silteme jasap.
«Elordany damytýǵa qatysty barlyq máseleni jan-jaqty oilastyryp sheshý mańyzdy. Ol úshin «Astananyń mártebesi týraly» zańǵa shuǵyl túrde tiisti ózgerister engizý qajet. Zań arqyly ákimdiktiń quzyreti men jaýapkershiligin kúsheitý kerek.
Astana turaqty damý úshin ony tiimdi ári sapaly basqarý qajet. Jalpy, Astanany órkendetý úshin, eń aldymen, ákimdik, kásipkerler jáne turǵyndar arasynda senimdi seriktestik ornatý qajet. Basty mindet – árbir azamattyń turmys sapasyn jaqsartý. Osyny durys túsingen jón» - dedi Prezident elordany damytý máseleleri jónindegi keńeste.
Onyń aitýynsha, Astana bas qala degen ataýǵa laiyq bolýǵa tiis.
«Eń aldymen, búgin aitylǵan mindetterdi der kezinde ári sapaly oryndaý kerek. Astana bas qala degen ataýǵa laiyq bolýǵa tiis. Astana kórkeise, búkil elimizdiń eńsesi biik bolady.
Astana Ádiletti Qazaqstandy qurý jolynda túbegeili ózgeristerge uiytqy bolýy kerek. Jalpy, qalanyń kúndelikti tynys-tirshiligi udaiy nazarda bolýǵa tiis.
Ákimge qalanyń ahýalyn jaqsy jaǵyna qarai ózgertý úshin bir jyl ýaqyt beremin. Sizdiń jumysyńyz meniń baqylaýymda bolady. Barlyq qajetti kómekti kórsetemiz. Biraq jumystyń negizgi ózegi – sizdiń qolyńyzda. Tabys tileimin» - dedi Toqaev.
