فوتو: اقوردانىڭ باسپاسٶز قىزمەتٸ
مەملەكەت باسشىسى قاسىم-جومارت توقاەۆ استانا ەكٸمٸ جەڭٸس قاسىمبەككە قالانىڭ احۋالىن جاقسى جاعىنا قاراي ٶزگەرتۋ ٷشٸن بٸر جىل ۋاقىت بەردٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«ەلوردانى دامىتۋعا قاتىستى بارلىق مەسەلەنٸ جان-جاقتى ويلاستىرىپ شەشۋ ماڭىزدى. ول ٷشٸن «استانانىڭ مەرتەبەسٸ تۋرالى» زاڭعا شۇعىل تٷردە تيٸستٸ ٶزگەرٸستەر ەنگٸزۋ قاجەت. زاڭ ارقىلى ەكٸمدٸكتٸڭ قۇزىرەتٸ مەن جاۋاپكەرشٸلٸگٸن كٷشەيتۋ كەرەك.
استانا تۇراقتى دامۋ ٷشٸن ونى تيٸمدٸ ەرٸ ساپالى باسقارۋ قاجەت. جالپى, استانانى ٶركەندەتۋ ٷشٸن, ەڭ الدىمەن, ەكٸمدٸك, كەسٸپكەرلەر جەنە تۇرعىندار اراسىندا سەنٸمدٸ سەرٸكتەستٸك ورناتۋ قاجەت. باستى مٸندەت – ەربٸر ازاماتتىڭ تۇرمىس ساپاسىن جاقسارتۋ. وسىنى دۇرىس تٷسٸنگەن جٶن» - دەدٸ پرەزيدەنت ەلوردانى دامىتۋ مەسەلەلەرٸ جٶنٸندەگٸ كەڭەستە.
ونىڭ ايتۋىنشا, استانا باس قالا دەگەن اتاۋعا لايىق بولۋعا تيٸس.
«ەڭ الدىمەن, بٷگٸن ايتىلعان مٸندەتتەردٸ دەر كەزٸندە ەرٸ ساپالى ورىنداۋ كەرەك. استانا باس قالا دەگەن اتاۋعا لايىق بولۋعا تيٸس. استانا كٶركەيسە, بٷكٸل ەلٸمٸزدٸڭ ەڭسەسٸ بيٸك بولادى.
استانا ەدٸلەتتٸ قازاقستاندى قۇرۋ جولىندا تٷبەگەيلٸ ٶزگەرٸستەرگە ۇيىتقى بولۋى كەرەك. جالپى, قالانىڭ كٷندەلٸكتٸ تىنىس-تٸرشٸلٸگٸ ۇدايى نازاردا بولۋعا تيٸس.
ەكٸمگە قالانىڭ احۋالىن جاقسى جاعىنا قاراي ٶزگەرتۋ ٷشٸن بٸر جىل ۋاقىت بەرەمٸن. سٸزدٸڭ جۇمىسىڭىز مەنٸڭ باقىلاۋىمدا بولادى. بارلىق قاجەتتٸ كٶمەكتٸ كٶرسەتەمٸز. بٸراق جۇمىستىڭ نەگٸزگٸ ٶزەگٸ – سٸزدٸڭ قولىڭىزدا. تابىس تٸلەيمٸن» - دەدٸ توقاەۆ.
