Barlyq adam Volonter jyly aiasyndaǵy sharalarǵa belsendi qatysýy qajet. Bul týraly Aqordada Prezidenttiń kadr rezervine engen jastarmen kezdesýde Memleket basshysy Qasym-Jomart Toqaev aitty, – dep habarlaidy QazAqparat.
«2020 jyl Qazaqstanda Volonter jyly dep jariialanǵan. Bul - búkil el aýqymyndaǵy qaiyrymdy ister jyly bolmaq. Men jasyna qaramastan barlyq adamdy, ásirese Prezidenttiń kadr rezervine qatysýshylardy Volonter jyly sharalaryn júzege asyrýǵa barynsha belsene qatysýǵa shaqyramyn. Burynyraq olardy eriktiler nemese jany jomart adamdar dep aitatyn. BUU baǵalaýynsha, búkil álemde 1 mlrd jýyq adam óz ýaqytyn volonterlik qyzmetke arnaidy», - dedi Qazaqstan Prezidenti.
Memleket basshysynyń dereginshe, volonterliktiń álemdik jalpy ishki ónimge qosar úlesi shamamen 2,5 paiyzǵa jýyqtaidy.
«Sizder óz bilimderińiz ben tájiribelerińizdi ýniversitet, kolledjd stýdentterimen, aýyl mektepteriniń oqýshylarymen bólise alar edińizder. Dál sizderdiń úlgi-ónege óziniń tabysqa jetý jolyn qalyptastyrýdy armandap júrgen ondaǵan jas balany qanattandyryp, shabyttandyrýy múmkin. Kópshiligi qoǵamǵa paidasy bar bastamalardy júzege asyra alar edi. Sizderdiń adal nietti kómekterińiz basqalarǵa aitarlyqpai paida ákeletin kóptegen baǵyt bar. Bul - ómirlik qiyn jaǵdaiǵa tap bolǵan adamdarǵa, balalar úii tárbielenýshilerine, múmkindigi shekteýli jandarǵa qamqorlyq, bar adamdarǵa kómek. Bul – aýyl balalary úshin bilim berý jobalaryna qatysý, sonymen qatar azamattarymyzdyń quqyqtyq saýatyn arttyrý. Bul - qorshaǵan ortany qorǵaý, halqymyzdyń rýhani, tarihi, materialdyq, mádeni murasy. Volonterler úshin jumys jetkilikti. Volonterlik – patriotizmdi tanytý men qoǵamǵa qyzmet etý túri», - dedi Qasym-Jomart Toqaev.
