بارلىق ادام ۆولونتەر جىلى اياسىنداعى شارالارعا بەلسەندٸ قاتىسۋى قاجەت. بۇل تۋرالى اقوردادا پرەزيدەنتتٸڭ كادر رەزەرۆٸنە ەنگەن جاستارمەن كەزدەسۋدە مەملەكەت باسشىسى قاسىم-جومارت توقاەۆ ايتتى, – دەپ حابارلايدى قازاقپارات.
«2020 جىل قازاقستاندا ۆولونتەر جىلى دەپ جارييالانعان. بۇل - بٷكٸل ەل اۋقىمىنداعى قايىرىمدى ٸستەر جىلى بولماق. مەن جاسىنا قاراماستان بارلىق ادامدى, ەسٸرەسە پرەزيدەنتتٸڭ كادر رەزەرۆٸنە قاتىسۋشىلاردى ۆولونتەر جىلى شارالارىن جٷزەگە اسىرۋعا بارىنشا بەلسەنە قاتىسۋعا شاقىرامىن. بۇرىنىراق ولاردى ەرٸكتٸلەر نەمەسە جانى جومارت ادامدار دەپ ايتاتىن. بۇۇ باعالاۋىنشا, بٷكٸل ەلەمدە 1 ملرد جۋىق ادام ٶز ۋاقىتىن ۆولونتەرلٸك قىزمەتكە ارنايدى», - دەدٸ قازاقستان پرەزيدەنتٸ.
مەملەكەت باسشىسىنىڭ دەرەگٸنشە, ۆولونتەرلٸكتٸڭ ەلەمدٸك جالپى ٸشكٸ ٶنٸمگە قوسار ٷلەسٸ شامامەن 2,5 پايىزعا جۋىقتايدى.
«سٸزدەر ٶز بٸلٸمدەرٸڭٸز بەن تەجٸريبەلەرٸڭٸزدٸ ۋنيۆەرسيتەت, كوللەدجد ستۋدەنتتەرٸمەن, اۋىل مەكتەپتەرٸنٸڭ وقۋشىلارىمەن بٶلٸسە الار ەدٸڭٸزدەر. دەل سٸزدەردٸڭ ٷلگٸ-ٶنەگە ٶزٸنٸڭ تابىسقا جەتۋ جولىن قالىپتاستىرۋدى ارمانداپ جٷرگەن ونداعان جاس بالانى قاناتتاندىرىپ, شابىتتاندىرۋى مٷمكٸن. كٶپشٸلٸگٸ قوعامعا پايداسى بار باستامالاردى جٷزەگە اسىرا الار ەدٸ. سٸزدەردٸڭ ادال نيەتتٸ كٶمەكتەرٸڭٸز باسقالارعا ايتارلىقپاي پايدا ەكەلەتٸن كٶپتەگەن باعىت بار. بۇل - ٶمٸرلٸك قيىن جاعدايعا تاپ بولعان ادامدارعا, بالالار ٷيٸ تەربيەلەنۋشٸلەرٸنە, مٷمكٸندٸگٸ شەكتەۋلٸ جاندارعا قامقورلىق, بار ادامدارعا كٶمەك. بۇل – اۋىل بالالارى ٷشٸن بٸلٸم بەرۋ جوبالارىنا قاتىسۋ, سونىمەن قاتار ازاماتتارىمىزدىڭ قۇقىقتىق ساۋاتىن ارتتىرۋ. بۇل - قورشاعان ورتانى قورعاۋ, حالقىمىزدىڭ رۋحاني, تاريحي, ماتەريالدىق, مەدەني مۇراسى. ۆولونتەرلەر ٷشٸن جۇمىس جەتكٸلٸكتٸ. ۆولونتەرلٸك – پاتريوتيزمدٸ تانىتۋ مەن قوعامعا قىزمەت ەتۋ تٷرٸ», - دەدٸ قاسىم-جومارت توقاەۆ.
