Memleket basshysy Qasym-Jomart Toqaev Islam yntymaqtastyǵy uiymynyń bas hatshysy Hissein Brahim Tahamen kezdesti, - dep habarlaidy "Ult aqparat" Aqorda saityna silteme jasap.
Kezdesý barysynda Qazaqstan Prezidenti men IYU-nyń bas hatshysy aimaqtyq jáne halyqaralyq kún tártibindegi ózekti máseleler týraly, sondai-aq Qazaqstan men Islam yntymaqtastyǵy uiymy arasyndaǵy yqpaldastyqty odan ári tereńdetýdiń perspektivalary jóninde pikir almasty.
Qasym-Jomart Toqaev IYU-nyń saiasi, áleýmettik-ekonomikalyq, ekologiialyq jáne gýmanitarlyq salalarda bailanystar ornatýǵa yqpal etetin inkliýzivti platforma retindegi jumysyn joǵary baǵalady.
Memleket basshysy Islam yntymaqtastyǵy uiymymen aradaǵy is-qimyldar týraly aita kele, Qazaqstannyń Uiym aiasynda musylman elderimen yntymaqtastyqty odan ári keńeitýge beiildi ekenin naqtylady.
Kezdesý sońynda Prezident Qasym-Jomart Toqaev Hissein Brahim Tahany Álemdik jáne dástúrli dinder kóshbasshylarynyń VII sezine qatysýǵa shaqyrdy. Bul forým biyl kúzde Qazaqstan astanasynda ótedi.
