QR Prezidenti Qasym-Jomart Toqaev «Astana» halyqaralyq qarjy ortalyǵynyń Basqarýshysy Qairat Kelimbetovti qabyldady, dep habarlaidy "Ult aqparat" qordanyń baspasóz qyzmetine silteme jasap.
Memleket basshysyna «Astana» halyqaralyq qarjy ortalyǵynyń eldegi qarjy naryǵyn damytý, investorlar men qarjy qyzmetteri tutynýshylarynyń quqyqtary men múddelerin qorǵaý jáne AHQO alańynda saýda-investitsiialyq yntymaqtastyq boiynsha atqarylatyn jumys jospary týraly baiandaldy.
Qasym-Jomart Toqaev daǵdarystan keiin ekonomikany qaita qalpyna keltirý kezinde AHQO-nyń aldyna qoiylǵan mindetterdi tiimdi iske asyrýdyń mańyzdylyǵyna toqtaldy.
Osy oraida Qazaqstan Prezidenti investitsiia tartý jáne memlekettik aktivti jekeshelendirý barysynda, qor naryǵyn damytýda AHQO áleýetin belsendi paidalanýdy tapsyrdy. Al sharýashylyq daýlardy sheshýde AHQO soty men tórelik ortalyǵyna biznestiń qoljetimdiligin qamtamasyz etý tiis.
Sonymen qatar Prezident AHQO investitsiialyq salyq rezidenttigi baǵdarlamasyn ilgeriletý úshin Syrtqy ister ministrligi men memleketimizdiń sheteldik ókildikterimen birlesken jumystardy jandandyrýdyń qajettiligin atap ótti.
