قر پرەزيدەنتٸ قاسىم-جومارت توقاەۆ «استانا» حالىقارالىق قارجى ورتالىعىنىڭ باسقارۋشىسى قايرات كەلٸمبەتوۆتٸ قابىلدادى, دەپ حابارلايدى "ۇلت اقپارات" قوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسىنا «استانا» حالىقارالىق قارجى ورتالىعىنىڭ ەلدەگٸ قارجى نارىعىن دامىتۋ, ينۆەستورلار مەن قارجى قىزمەتتەرٸ تۇتىنۋشىلارىنىڭ قۇقىقتارى مەن مٷددەلەرٸن قورعاۋ جەنە احقو الاڭىندا ساۋدا-ينۆەستيتسييالىق ىنتىماقتاستىق بويىنشا اتقارىلاتىن جۇمىس جوسپارى تۋرالى باياندالدى.
قاسىم-جومارت توقاەۆ داعدارىستان كەيٸن ەكونوميكانى قايتا قالپىنا كەلتٸرۋ كەزٸندە احقو-نىڭ الدىنا قويىلعان مٸندەتتەردٸ تيٸمدٸ ٸسكە اسىرۋدىڭ ماڭىزدىلىعىنا توقتالدى.
وسى ورايدا قازاقستان پرەزيدەنتٸ ينۆەستيتسييا تارتۋ جەنە مەملەكەتتٸك اكتيۆتٸ جەكەشەلەندٸرۋ بارىسىندا, قور نارىعىن دامىتۋدا احقو ەلەۋەتٸن بەلسەندٸ پايدالانۋدى تاپسىردى. ال شارۋاشىلىق داۋلاردى شەشۋدە احقو سوتى مەن تٶرەلٸك ورتالىعىنا بيزنەستٸڭ قولجەتٸمدٸلٸگٸن قامتاماسىز ەتۋ تيٸس.
سونىمەن قاتار پرەزيدەنت احقو ينۆەستيتسييالىق سالىق رەزيدەنتتٸگٸ باعدارلاماسىن ٸلگەرٸلەتۋ ٷشٸن سىرتقى ٸستەر مينيسترلٸگٸ مەن مەملەكەتٸمٸزدٸڭ شەتەلدٸك ٶكٸلدٸكتەرٸمەن بٸرلەسكەن جۇمىستاردى جانداندىرۋدىڭ قاجەتتٸلٸگٸن اتاپ ٶتتٸ.
