Foto: elements.envato.com
Prezident Qasym-Jomart Toqaev Tsifrlyq damý ministrliginen eldegi internetpen qamtý boiynsha "jaǵdaidy naqty kórsetetin obektiv sandardy" talap etti, - dep habarlaidy Tengrinews.kz.
"Úkimet internetti 100 paiyz qamtý týraly esep beredi. Biraq, azamattardyń ótinishterine qaraǵanda, bulai emes. Jańa ǵana ministr men "Qazaqtelekom" basshysyna suraq qoidym. Olar maǵan 99 paiyz degende áńgime aýmaqta emes, elimizdiń turǵyndary sanyna qatysty ekenin aitty.
Muny anyqtaý kerek. Bizge jaǵdaidy naqty kórsetetin obektiv sandar qajet. Jalpy, Qazaqstan aýmaǵyn internetpen qamtý deńgeii aitarlyqtai joǵary dep aitqym keledi", - dedi Toqaev Digital Bridge halyqaralyq forýmynyń plenarlyq sessiiasy kezinde.
Memleket basshysy elimizde, sapaly internetke qoljetkize almaityn shalǵaidaǵy aýyldardyń 300 myńnan astam turǵyny bar ekenin atap ótti.
"Biz bul sandarmen jumys jasaýymyz kerek, bul azamattardyń nemese aýmaqtardyń sany bolsa da, 100 paiyzdyq internetpen qamtamasyz etýimiz kerek", - dep tapsyrdy Qasym-Jomart Toqaev.
