فوتو: elements.envato.com
پرەزيدەنت قاسىم-جومارت توقاەۆ تسيفرلىق دامۋ مينيسترلٸگٸنەن ەلدەگٸ ينتەرنەتپەن قامتۋ بويىنشا "جاعدايدى ناقتى كٶرسەتەتٸن وبەكتيۆ سانداردى" تالاپ ەتتٸ, - دەپ حابارلايدى Tengrinews.kz.
"ٷكٸمەت ينتەرنەتتٸ 100 پايىز قامتۋ تۋرالى ەسەپ بەرەدٸ. بٸراق, ازاماتتاردىڭ ٶتٸنٸشتەرٸنە قاراعاندا, بۇلاي ەمەس. جاڭا عانا مينيستر مەن "قازاقتەلەكوم" باسشىسىنا سۇراق قويدىم. ولار ماعان 99 پايىز دەگەندە ەڭگٸمە اۋماقتا ەمەس, ەلٸمٸزدٸڭ تۇرعىندارى سانىنا قاتىستى ەكەنٸن ايتتى.
مۇنى انىقتاۋ كەرەك. بٸزگە جاعدايدى ناقتى كٶرسەتەتٸن وبەكتيۆ ساندار قاجەت. جالپى, قازاقستان اۋماعىن ينتەرنەتپەن قامتۋ دەڭگەيٸ ايتارلىقتاي جوعارى دەپ ايتقىم كەلەدٸ", - دەدٸ توقاەۆ Digital Bridge حالىقارالىق فورۋمىنىڭ پلەنارلىق سەسسيياسى كەزٸندە.
مەملەكەت باسشىسى ەلٸمٸزدە, ساپالى ينتەرنەتكە قولجەتكٸزە المايتىن شالعايداعى اۋىلداردىڭ 300 مىڭنان استام تۇرعىنى بار ەكەنٸن اتاپ ٶتتٸ.
"بٸز بۇل ساندارمەن جۇمىس جاساۋىمىز كەرەك, بۇل ازاماتتاردىڭ نەمەسە اۋماقتاردىڭ سانى بولسا دا, 100 پايىزدىق ينتەرنەتپەن قامتاماسىز ەتۋٸمٸز كەرەك", - دەپ تاپسىردى قاسىم-جومارت توقاەۆ.
