Foto: Aqorda
Memleket basshysy Ishki ister ministri Erjan Sádenovti qabyldady, dep habarlaidy Ult.kz.
Aqordada ótken kezdesýde Qasym-Jomart Toqaevqa eldegi kriminogendik ahýal, quqyqtyq tártipti nyǵaitý jáne «Zań jáne tártip» qaǵidatyn júzege asyrý baǵytynda atqarylǵan jumystar týraly baiandaldy.
Ministr Erjan Sádenovtiń málimetinshe, sońǵy 10 aida eldegi jalpy qylmys sany 5,3 myń derekke azaiǵan. Qylmysty «izin sýytpai» ashý deńgeii de jaqsarǵan.
Otbasylyq-turmystyq quqyqbuzýshylyqtarmen kúres
– Aldyn alý sharalarynyń nátijesinde turmystyq sipattaǵy qylmystar 8 paiyzǵa, onyń ishinde adam ólimine ákelip soǵatyn jaǵdailar 26 paiyzǵa qysqardy.
Izdeýdegi adamdardy ustaý jáne esirtkimen kúres
– Izdeýde júrgen 1391 adam ustaldy, onyń 138-i shetelde qolǵa tústi.
– Jedel is-sharalar barysynda 30 tonnadan astam esirtki ainalymǵa túspei, onyń 1 tonnadan astamy sintetikalyq zattar bolǵan.
– Uiymdasqan qylmysqa qatysy bar 185 qylmystyq toptyń joly kesildi.
Internet-alaiaqtyqpen kúres
– 12 frod-koll-ortalyq joiyldy, onyń jeteýi shetelde jumys istegen.
– Shamamen 83 million alaiaqtyq qońyraý men 4 myń fishingtik sait buǵattaldy.
– 2,3 milliard teńgeniń elden shyǵarylýyna jol berilmedi.
Jol qaýipsizdigi jáne tsifrlandyrý
– Drondar kómegimen 6 myńnan astam, ortasha jyldamdyqty ólsheý júieleri arqyly 190 myńnan astam jol erejesin buzý faktisi anyqtaldy.
– Jol-kólik oqiǵalaryndaǵy ólim-jitim 9,4 paiyzǵa, mas júrgizýshiler kinásinen bolǵan apattar 24 paiyzǵa azaidy.
– Egov mobile jáne bankter qosymshalaryna integratsiialanǵan «Zań jáne tártip» servisi iske qosylǵaly 32 myńnan astam ótinish qabyldandy.
Kezdesý barysynda ministr ekstremizmge qarsy is-qimyl jáne kóshi-qondy baqylaý sharalary jóninde de esep berdi.
Prezident Qasym-Jomart Toqaev qoǵamdyq qaýipsizdik pen quqyqtyq tártipti odan ári kúsheitýge baǵyttalǵan birqatar naqty tapsyrma berdi.
