فوتو: اقوردا
مەملەكەت باسشىسى ٸشكٸ ٸستەر مينيسترٸ ەرجان سەدەنوۆتٸ قابىلدادى, دەپ حابارلايدى Ult.kz.
اقوردادا ٶتكەن كەزدەسۋدە قاسىم-جومارت توقاەۆقا ەلدەگٸ كريمينوگەندٸك احۋال, قۇقىقتىق تەرتٸپتٸ نىعايتۋ جەنە «زاڭ جەنە تەرتٸپ» قاعيداتىن جٷزەگە اسىرۋ باعىتىندا اتقارىلعان جۇمىستار تۋرالى باياندالدى.
مينيستر ەرجان سەدەنوۆتٸڭ مەلٸمەتٸنشە, سوڭعى 10 ايدا ەلدەگٸ جالپى قىلمىس سانى 5,3 مىڭ دەرەككە ازايعان. قىلمىستى «ٸزٸن سۋىتپاي» اشۋ دەڭگەيٸ دە جاقسارعان.
وتباسىلىق-تۇرمىستىق قۇقىقبۇزۋشىلىقتارمەن كٷرەس
– الدىن الۋ شارالارىنىڭ نەتيجەسٸندە تۇرمىستىق سيپاتتاعى قىلمىستار 8 پايىزعا, ونىڭ ٸشٸندە ادام ٶلٸمٸنە ەكەلٸپ سوعاتىن جاعدايلار 26 پايىزعا قىسقاردى.
ٸزدەۋدەگٸ ادامداردى ۇستاۋ جەنە ەسٸرتكٸمەن كٷرەس
– ٸزدەۋدە جٷرگەن 1391 ادام ۇستالدى, ونىڭ 138-ٸ شەتەلدە قولعا تٷستٸ.
– جەدەل ٸس-شارالار بارىسىندا 30 توننادان استام ەسٸرتكٸ اينالىمعا تٷسپەي, ونىڭ 1 توننادان استامى سينتەتيكالىق زاتتار بولعان.
– ۇيىمداسقان قىلمىسقا قاتىسى بار 185 قىلمىستىق توپتىڭ جولى كەسٸلدٸ.
ينتەرنەت-الاياقتىقپەن كٷرەس
– 12 فرود-كولل-ورتالىق جويىلدى, ونىڭ جەتەۋٸ شەتەلدە جۇمىس ٸستەگەن.
– شامامەن 83 ميلليون الاياقتىق قوڭىراۋ مەن 4 مىڭ فيشينگتٸك سايت بۇعاتتالدى.
– 2,3 ميلليارد تەڭگەنٸڭ ەلدەن شىعارىلۋىنا جول بەرٸلمەدٸ.
جول قاۋٸپسٸزدٸگٸ جەنە تسيفرلاندىرۋ
– دروندار كٶمەگٸمەن 6 مىڭنان استام, ورتاشا جىلدامدىقتى ٶلشەۋ جٷيەلەرٸ ارقىلى 190 مىڭنان استام جول ەرەجەسٸن بۇزۋ فاكتٸسٸ انىقتالدى.
– جول-كٶلٸك وقيعالارىنداعى ٶلٸم-جٸتٸم 9,4 پايىزعا, ماس جٷرگٸزۋشٸلەر كٸنەسٸنەن بولعان اپاتتار 24 پايىزعا ازايدى.
– Egov mobile جەنە بانكتەر قوسىمشالارىنا ينتەگراتسييالانعان «زاڭ جەنە تەرتٸپ» سەرۆيسٸ ٸسكە قوسىلعالى 32 مىڭنان استام ٶتٸنٸش قابىلداندى.
كەزدەسۋ بارىسىندا مينيستر ەكسترەميزمگە قارسى ٸس-قيمىل جەنە كٶشٸ-قوندى باقىلاۋ شارالارى جٶنٸندە دە ەسەپ بەردٸ.
پرەزيدەنت قاسىم-جومارت توقاەۆ قوعامدىق قاۋٸپسٸزدٸك پەن قۇقىقتىق تەرتٸپتٸ ودان ەرٸ كٷشەيتۋگە باعىتتالعان بٸرقاتار ناقتى تاپسىرما بەردٸ.
