Prezident Qasym-Jomart Toqaev Ulybritaniia jáne Soltústik Irlandiia Koroli III Karlǵa anasy II Elizaveta Patshaiymnyń qaitys bolýyna bailanysty kóńil aitý jedelhatyn joldady, - dep habarlaidy "Ult aqparat" Aqordaǵa silteme jasap.
Memleket basshysy Qazaqstan halqynyń jáne jeke óziniń atynan Korol III Karldyń, koroldik otbasy men barlyq britandyqtardyń qaiǵysyna ortaqtasyp, kóńil aitty.
Prezident eldi 70 jyl boiy basqarǵan II Elizaveta Patshaiymnyń asa kórnekti kóshbasshy, uly britan halqynyń birligi men tabandylyǵynyń simvoly bolǵanyn atap ótti.
"Onyń danalyqqa, meiirimge jáne jigerge toly basshylyǵy Birikken Koroldiktiń odan da turaqty, alýan túrli jáne órkendegen qoǵam qurý jolynda qarqyndy damýyna óz septigin tigizdi. Ol halyqaralyq qaýipsizdik pen ornyqty damýdy nyǵaitýǵa baǵyttalǵan kúsh-jigerdi ilgeriletýde kóshbasshy boldy. Onyń tektiligi, qadir-qasieti men orasan zor jetistigi álemdegi milliondaǵan adamdy jigerlendire túsetinine, al mol murasy óskeleń urpaqtyń júreginde máńgi saqtalatynyna senimdimin", – dep jazylǵan Qazaqstan Prezidentiniń jedelhatynda.
