Prezident Astanaǵa resmi saparmen kelgen Grekiianyń Syrtqy ister ministri Nikolaos Dendiasty qabyldady, - dep habarlaidy "Ult aqparat" Aqordaǵa silteme jasap.
Kezdesý barysynda saýda-ekonomikalyq bailanystardy nyǵaitýǵa basa mán berilip, Qazaqstan men Grekiia arasyndaǵy yntymaqtastyqty damytý perspektivalary talqylandy.
Memleket basshysy Grekiianyń Eýropalyq Odaqqa múshe memleketter arasynda mańyzdy seriktes elderdiń biri ekenin atap ótti. Sondai-aq eki el kópjaqty alańdarda ózara tyǵyz qarym-qatynas jasap kele jatqanyn jetkizdi.
"Grekiiamen aradaǵy bailanystar biz úshin basymdyq sanalatynyn taǵy da atap ótkim keledi. Biz ózara yntymaqtastyq kórsetkishterin jańa deńgeige kóterý úshin qoldan kelgenniń bárin jasaimyz", – dedi Prezident.
Óz kezeginde Nikolaos Dendias ekijaqty jáne kópjaqty yntymaqtastyq máseleleri jóninde pikir almasýǵa múmkindik bergeni úshin Qasym-Jomart Toqaevqa alǵys aitty.
"Biz Qazaqstandy óńirdegi turaqtylyqqa kepil bolatyn Ortalyq Aziiadaǵy eń iri jáne basymdyqqa ie el retinde qarastyratynymyzdy atap ótkim keledi. Grekiia Sizdiń elińizben ózara tiimdi yntymaqtastyqty odan ári nyǵaitýǵa daiyn", – dedi ministr.
Sonymen qatar olar áńgimelesý barysynda halyqaralyq jáne óńirlik kún tártibindegi ózekti máseleler jóninde pikir almasty.
