پرەزيدەنت استاناعا رەسمي ساپارمەن كەلگەن گرەكييانىڭ سىرتقى ٸستەر مينيسترٸ نيكولاوس دەندياستى قابىلدادى, - دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا ساۋدا-ەكونوميكالىق بايلانىستاردى نىعايتۋعا باسا مەن بەرٸلٸپ, قازاقستان مەن گرەكييا اراسىنداعى ىنتىماقتاستىقتى دامىتۋ پەرسپەكتيۆالارى تالقىلاندى.
مەملەكەت باسشىسى گرەكييانىڭ ەۋروپالىق وداققا مٷشە مەملەكەتتەر اراسىندا ماڭىزدى سەرٸكتەس ەلدەردٸڭ بٸرٸ ەكەنٸن اتاپ ٶتتٸ. سونداي-اق ەكٸ ەل كٶپجاقتى الاڭداردا ٶزارا تىعىز قارىم-قاتىناس جاساپ كەلە جاتقانىن جەتكٸزدٸ.
"گرەكييامەن اراداعى بايلانىستار بٸز ٷشٸن باسىمدىق سانالاتىنىن تاعى دا اتاپ ٶتكٸم كەلەدٸ. بٸز ٶزارا ىنتىماقتاستىق كٶرسەتكٸشتەرٸن جاڭا دەڭگەيگە كٶتەرۋ ٷشٸن قولدان كەلگەننٸڭ بەرٸن جاسايمىز", – دەدٸ پرەزيدەنت.
ٶز كەزەگٸندە نيكولاوس دەندياس ەكٸجاقتى جەنە كٶپجاقتى ىنتىماقتاستىق مەسەلەلەرٸ جٶنٸندە پٸكٸر الماسۋعا مٷمكٸندٸك بەرگەنٸ ٷشٸن قاسىم-جومارت توقاەۆقا العىس ايتتى.
"بٸز قازاقستاندى ٶڭٸردەگٸ تۇراقتىلىققا كەپٸل بولاتىن ورتالىق ازيياداعى ەڭ ٸرٸ جەنە باسىمدىققا يە ەل رەتٸندە قاراستىراتىنىمىزدى اتاپ ٶتكٸم كەلەدٸ. گرەكييا سٸزدٸڭ ەلٸڭٸزبەن ٶزارا تيٸمدٸ ىنتىماقتاستىقتى ودان ەرٸ نىعايتۋعا دايىن", – دەدٸ مينيستر.
سونىمەن قاتار ولار ەڭگٸمەلەسۋ بارىسىندا حالىقارالىق جەنە ٶڭٸرلٸك كٷن تەرتٸبٸندەگٸ ٶزەكتٸ مەسەلەلەر جٶنٸندە پٸكٸر الماستى.
