QR Prezidenti Qasym-Jomart Toqaev Respýblikalyq biýdjettiń atqarylýyn baqylaý jónindegi esep komitetiniń tóraiymy Natalia Godýnovany qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Esep komitetiniń tóraiymy Memleket basshysyna daǵdarysqa qarsy sharalarǵa bólingen qarjynyń jumsalýyna monitoring júrgizý barysy jáne kvazimemlekettik sektor kompaniialarynyń aktivterin tiimdi basqarýǵa júrgizilgen aýdittiń aldyn ala qorytyndylary týraly esep berdi.
Natalia Godýnovanyń aitýynsha, ekonomikany qoldaýǵa jáne pandemiiamen kúreske baǵyttalǵan resýrstardy Esep komiteti men tekserý komissiialary jiti baqylap otyr. Úkimet qabyldaǵan sharalardyń áleýmettik-ekonomikalyq tiimdiligi osy jyldyń sońyna deiin baǵalanatyn bolady.
Qasym-Jomart Toqaev Esep komitetiniń jaqynda ótetin otyrysynda aýdit qorytyndylaryn zańnamaǵa sáikes qarastyrýdy jáne memlekettik aktivterdi tiimsiz basqarýǵa qatysty anyqtalǵan derekter boiynsha naqty usynystar engizýdi tapsyrdy. Prezidenttiń pikirinshe, Esep komiteti aýqymdy ári tiimdi jumys júrgizip otyr. Memleket basshysy bul jumystardy jeke baqylaýynda ustaitynyn atap ótti.
