Foto: Aqorda
«Ortalyq Aziia – Eýropa Odaǵy» sammiti aiasynda Qasym-Jomart Toqaev pen Eýropalyq komissiia Prezidenti Ýrsýla fon der Liaien kezdesti, dep habarlaidy Ult.kz.
Kezdesý barysynda ekonomikanyń túrli sektoryndaǵy, tsifrlandyrý jáne innovatsiia salalaryndaǵy Qazaqstan men EO yntymaqtastyǵyn damytý perspektivasy talqylandy. Taraptar Qazaqstan men Eýropalyq komissiia arasynda viza berý tártibin jeńildetý jónindegi kelisimge kelý úderisi bastalǵanyn oń baǵalady.
Qasym-Jomart Toqaev óz kezeginde keńeitilgen seriktestik jáne yntymaqtastyq jónindegi kelisim Qazaqstan men Eýropa Odaǵynyń yqpaldastyǵyna negiz bolyp otyrǵanyn jetkizdi. Ol energetika, infraqurylym jáne ónerkásip jobalary, kólik-logistika jelilerin keńeitý, tsifrlyq innovatsiia, ozyq tehnologiialar men jasandy intellekt salasynda qarym-qatynasty odan ári tereńdetý qajettigin atap ótti.
Ýrsýla fon der Liaien kólik-logistika salasyndaǵy, sonyń ishinde Transkaspii halyqaralyq kólik dálizi sekildi jobalardy iske asyrýdyń mańyzyna toqtalyp, Qasym-Jomart Toqaevty Qazaqstanda sirek kezdesetin metaldardyń iri ken ornynyń tabylýymen quttyqtady.
Taraptar S5+EO aiasyndaǵy jumysty jalǵastyrýǵa ýaǵdalasty. Sondai-aq óńirlik jáne halyqaralyq kún tártibindegi ózekti máseleler jóninde pikir almasty.
