Qasym-Jomart Toqaev Qazaqstan kinematografister odaǵynyń basqarma tóraǵasy Ermek Tursynovty qabyldady, dep habarlaidy "Ult aqparat" Aqordaǵa silteme jasap.
Kezdesý barysynda elimizdiń kino indýstriiasyn damytý perspektivalary qarastyryldy.
Qazaqstan Prezidenti kino óneriniń ahýaly elimizdiń mádeni kelbetin aiqyndaitynyn atap ótip, otandyq kinematografiia ónimderiniń sapasyn arttyrý boiynsha jumys isteýge shaqyrdy. Memleket basshysynyń aitýynsha, kino indýstriiasynyń, sonyń ishinde «Qazaqfilm» kinostýdiiasynyń keleshegine qatysty máselelerdi sheshý úshin keshendi sharalar qajet.
Ermek Tursynov ulttyq kinoǵa kóńil bólgeni úshin Qasym-Jomart Toqaevqa alǵys aityp, 30 maýsymda Nur-Sultan qalasynda ótetin XV «Eýraziia» halyqaralyq kinofestivaliniń ashylýyna shaqyrdy.
