Qasym-Jomart Toqaev pen Rejep Taiip Erdoǵan 2021 jyldyń alǵashqy kúninde bir-birin Jańa jylmen quttyqtady, dep habarlaidy "Ult aqparat" Aqordaǵa silteme jasap.
Qazaqstan Prezidenti koronavirýs pandemiiasyna qaramastan eki el arasyndaǵy yntymaqtastyq tabysty damyp kele jatqanyn atap ótti. Byltyr ózara saýda kólemi 2,6 milliard dollardy quraǵan. Memleket basshysy saýda-sattyqty arttyrýǵa jáne investitsiialyq yntymaqtastyqty jandandyrýǵa kúsh salýdy usyndy. Túrkiia Prezidenti mundai usynysty qabyl alyp, sonyń nátijesinde birlese otyryp saýda kólemin úsh esege ulǵaitýǵa bolatynyn aitty.
Qasym-Jomart Toqaev keiingi jyldary Túrkiianyń halyqaralyq arenada yqpaly artqanyn, oǵan Taýly Qarabaqtaǵy qaqtyǵysty toqtatýǵa qatysqany da kýá bolatynyn atap ótti. Rejep Taiip Erdoǵan kóp jyldyq qaqtyǵysqa Túrkiianyń aralasýyna qatysty berilgen baǵaǵa rizashylyǵyn bildirdi.
Túrkiia Prezidenti koronovirýs pandemiiasyna qarsy eki eldiń is-qimylyn joǵary baǵalap, Qazaqstan basshylyǵynyń batyl áreketiniń arqasynda memlekettegi epidemiologiialyq jaǵdai baqylaýǵa alynǵanyn jetkizdi.
Rejep Taiip Erdoǵan biyl qańtardyń 10-y kún ótetin Parlament sailaýyna sáttilik tilep, daýys berý barysyn Túrkiianyń ókilderi baqylaitynyn aitty.
Áńgimelesý sońynda taraptar osy jyly Túrkiia Prezidentiniń Qazaqstanǵa saparyn uiymdastyrý múmkindigin qarastyrýǵa ýaǵdalasty.
