Memleket basshysy Qasym-Jomart Toqaev Túrkiia Prezidenti Rejep Taiip Erdoǵanmen telefon arqyly sóilesti, dep habarlaidy Aqordanyń resmi saity.
Memleketter basshylary birin-biri barsha musylmannyń qasietti Oraza ait merekesimen quttyqtap, baýyrlas qazaq-túrik halyqtaryna baq-bereke tiledi.
Áńgimelesý barysynda taraptar COVID-19 indetine qarsy kúreste eki el úkimetteriniń qabyldaǵan naqty sharalaryn talqylady. Rejep Taiip Erdoǵan koronavirýstyń taralýyn boldyrmaý, azamattarǵa aýqymdy kómek kórsetý, sondai-aq, shaǵyn jáne orta biznesti qoldaý jónindegi Qazaqstannyń is-qimyldaryna joǵary baǵa berdi.
Qasym-Jomart Toqaev Rejep Taiip Erdoǵanǵa qoldaý kórsetkeni jáne gýmanitarlyq kómek retinde meditsinalyq jeke qorǵanysh quraldaryn bergeni úshin rizashylyq bildirdi. Memleketter basshylary atalǵan saladaǵy tyǵyz yntymaqtastyqty jalǵastyra berýge nietti ekenin naqtylady.
Sonymen qatar taraptar ózara taýar ainalymyn ulǵaitýdyń jáne birlesken investitsiialyq jobalardy júzege asyrýdyń mańyzdylyǵyna toqtalyp, qazaq-túrik qatynastarynyń qazirgi ahýaly men damý perspektivalaryn talqylady.
Áńgime sońynda Memleket basshysy Túrkiia Prezidentin Qazaqstanǵa saparmen kelýge shaqyrdy.
