Memleket basshysy Qasym-Jomart Toqaev Túrkiia Prezidenti Rejep Taiip Erdoǵanmen telefon arqyly sóilesti, dep habarlaidy Aqorda.
Memleketter basshylary birin-biri kúlli musylmannyń merekesi Qurban aitpen quttyqtap, Qazaqstan men Túrkiianyń baýyrlas halyqtaryna baq-bereke tiledi.
Áńgimelesý barysynda Prezidentter eki eldegi qazirgi epidemiologiialyq ahýaldy talqylady. Qasym-Jomart Toqaev Ankaranyń COVID-19 pandemiiasyna qarsy tiimdi is-qimyldaryn joǵary baǵalap, R.T.Erdoǵanǵa gýmanitarlyq kómek kórsetkeni úshin rizashylyǵyn bildirdi. Taraptar koronavirýstyń saldaryn joiý jáne daǵdarystan keiingi qalpyna keltirý jumystarynda kúsh-jigerlerin odan ári jumyldyra berýge ýaǵdalasty.
Eki eldiń Prezidentteri Qazaqstan men Túrkiia arasyndaǵy strategiialyq qatynastardyń qazirgi jaǵdaiy men damý perspektivalaryn qarastyrdy. Ekijaqty saýda-sattyqtyń oń qarqynyn saqtaýdyń jáne birlesken investitsiialyq jobalardy, ásirese, densaýlyq saqtaý, «jańa ekonomika» jáne aýyl sharýashylyǵy salalary boiynsha bastamalardy júzege asyrýdyń mańyzdy ekeni atap ótildi.
Áńgimelesý sońynda Qasym-Jomart Toqaev Rejep Taiip Erdoǵandy Qazaqstanǵa resmi saparmen kelýge shaqyrǵanyn naqtylady.
