Qazirgi balalar men jastar 2050 jylǵa qarai Qazaqstannyń eńbek naryǵyn kórsetedi. Bul týraly QR Prezidenti Qasym-Jomart Toqaev jetinshi shaqyrylymdaǵy QR Parlamentiniń birinshi sessiiasynda aitty, dep habarlaidy QazAqparat.
«Myqty inkliýzivti qoǵam qurýdaǵy basty qural – tiimdi áleýmettik saiasat bolyp sanalady. Adam damýy indeksiniń kóptegen kórsetkishteri boiynsha eleýli progreske qaramastan, Qazaqstan jetekshi elderden artta qalyp otyr. Adami kapitaldyń joǵary sapasy – Qazaqstandy qosa alǵanda, barlyq memleketterdiń uzaq merzimdi básekege qabilettiginiń negizi. Álem bilim ekonomikasyna bet buryp jatyr. Bul shyndyq», - dedi Memleket basshysy.
Prezidenttiń aitýynsha, qazir Táýelsizdik urpaqtary sany jaǵynan elimizdiń barlyq azamattarynyń jartysyn quraidy.
«Qazirgi balalar men jastar 2050 jylǵa qarai Qazaqstannyń eńbek naryǵyn kórsetedi. Elimizdiń bolashaqtaǵy ál-aýqaty dál solardyń básekege qabilettigine bailanysty», - dep atap ótti Q. Toqaev.
