Memleket basshysy Aqordada oblystardyń jáne Nur-Sultan, Almaty, Shymkent qalalarynyń ákimderimen keńes ótkizdi, dep habarlaidy "Ult aqparat" Aqordaǵa silteme jasap.
Qazaqstan Prezidenti ákimderdiń aldyna birqatar mindet qoidy. Memleket basshysy eń aldymen azamattardyń quqyqtary men bostandyǵyn, olardyń tynyshtyǵy men qaýipsizdigin qamtamasyz etýdi tapsyrdy.
– Elimizde zań ústemdik etýi tiis. Zań aldynda bilik ókilderi de, azamattar da birdei. Bastysy – halyqpen dialog ornatý. Bilik halyqty tyńdap, olardyń talap-tilekterine zeiin qoiýy kerek. Sheneýnikter kabinetterinde otyrmaýy kerek. Turǵyndarmen jumys isteýi kerek. Ákimder memlekettiń saiasatyn azamattarǵa túsindirýi tiis, – dedi Qasym-Jomart Toqaev.
Qazaqstan Prezidenti ákimderdiń qyzmeti jańa jumys oryndaryn ashýǵa baǵyttalýy kerek ekenin aitty. Bul ákimder jumysynyń basty kórsetkishi bolady.
Qasym-Jomart Toqaev jańadan qurylǵan Ulttyq qoǵamdyq senim keńesine múshe bolatyn azamattardy barlyq óńirden usyný qajet ekenin aitty. Olardy irikteý ádil bolýy shart.
Memleket basshysy jastar saiasatyna da toqtalyp, ol úshin áleýmettik liftiler qalyptastyrý qajettigin aitty.
– Meniń tapsyrmam boiynsha, Prezidenttiń kadrlyq rezervi qurylyp, oǵan 300 jas maman engiziledi. Ákimderdiń mindeti – rezervke eń daryndy jáne kelesheginen úmit kúttiretin jas basqarýshylardy irikteý, – dedi Qasym-Jomart Toqaev.
Sońynda Memleket basshysy birqatar naqty tapsyrma berdi.
