مەملەكەت باسشىسى اقوردادا وبلىستاردىڭ جەنە نۇر-سۇلتان, الماتى, شىمكەنت قالالارىنىڭ ەكٸمدەرٸمەن كەڭەس ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان پرەزيدەنتٸ ەكٸمدەردٸڭ الدىنا بٸرقاتار مٸندەت قويدى. مەملەكەت باسشىسى ەڭ الدىمەن ازاماتتاردىڭ قۇقىقتارى مەن بوستاندىعىن, ولاردىڭ تىنىشتىعى مەن قاۋٸپسٸزدٸگٸن قامتاماسىز ەتۋدٸ تاپسىردى.
– ەلٸمٸزدە زاڭ ٷستەمدٸك ەتۋٸ تيٸس. زاڭ الدىندا بيلٸك ٶكٸلدەرٸ دە, ازاماتتار دا بٸردەي. باستىسى – حالىقپەن ديالوگ ورناتۋ. بيلٸك حالىقتى تىڭداپ, ولاردىڭ تالاپ-تٸلەكتەرٸنە زەيٸن قويۋى كەرەك. شەنەۋنٸكتەر كابينەتتەرٸندە وتىرماۋى كەرەك. تۇرعىندارمەن جۇمىس ٸستەۋٸ كەرەك. ەكٸمدەر مەملەكەتتٸڭ ساياساتىن ازاماتتارعا تٷسٸندٸرۋٸ تيٸس, – دەدٸ قاسىم-جومارت توقاەۆ.
قازاقستان پرەزيدەنتٸ ەكٸمدەردٸڭ قىزمەتٸ جاڭا جۇمىس ورىندارىن اشۋعا باعىتتالۋى كەرەك ەكەنٸن ايتتى. بۇل ەكٸمدەر جۇمىسىنىڭ باستى كٶرسەتكٸشٸ بولادى.
قاسىم-جومارت توقاەۆ جاڭادان قۇرىلعان ۇلتتىق قوعامدىق سەنٸم كەڭەسٸنە مٷشە بولاتىن ازاماتتاردى بارلىق ٶڭٸردەن ۇسىنۋ قاجەت ەكەنٸن ايتتى. ولاردى ٸرٸكتەۋ ەدٸل بولۋى شارت.
مەملەكەت باسشىسى جاستار ساياساتىنا دا توقتالىپ, ول ٷشٸن ەلەۋمەتتٸك ليفتٸلەر قالىپتاستىرۋ قاجەتتٸگٸن ايتتى.
– مەنٸڭ تاپسىرمام بويىنشا, پرەزيدەنتتٸڭ كادرلىق رەزەرۆٸ قۇرىلىپ, وعان 300 جاس مامان ەنگٸزٸلەدٸ. ەكٸمدەردٸڭ مٸندەتٸ – رەزەرۆكە ەڭ دارىندى جەنە كەلەشەگٸنەن ٷمٸت كٷتتٸرەتٸن جاس باسقارۋشىلاردى ٸرٸكتەۋ, – دەدٸ قاسىم-جومارت توقاەۆ.
سوڭىندا مەملەكەت باسشىسى بٸرقاتار ناقتى تاپسىرما بەردٸ.
