Qazaqstan Prezidenti Qasym-Jomart Toqaev Eýraziialyq ekonomikalyq komissiianyń ókilettigin keńeitý máselesi muqiiattylyqty qajet etetinin málimdedi, dep habarlaidy QazAqparat.
«Qyzmetterdiń saýdasy boiynsha EAEO-ǵa múshe memleketterdiń úshinshi eldermen ekijaqty kelissózderine Eýraziialyq ekonomikalyq komissiiany qatystyrýǵa quqyq berý týraly EEK-tiń ókilettigin keńeitý máselesi - muqiiattylyqty qajet etedi», - dedi Prezident Joǵarǵy Eýraziialyq ekonomikalyq keńestiń onlain otyrysynda.
Memleket basshysy bul másele qosymsha zertteýdi talap etetinin aityp ótti.
«Shyn máninde, munyń is júzine qalai iske asyrylatynyn elestetý qiyn: ekijaqty kelissózderge komissiia ókili qatysyp otyrady. Qyzmetterdi saýdalaý salasynda investitsiialar – ulttyq quzirettilikke jatady. Sebebi ol basqa elderdiń múddelerine qaishy kelmeidi. Tiisinshe, bul jumysqa komissiianyń adami jáne qarjylyq resýrstaryn tartý – ashyǵyn aitqanda bizge túsiniksiz. Eger taraptar úshinshi eldermen kelisimnen keiin EEK-ke aqparat berse, jekelegen jaǵdailarda kelissózderge daiyndyq jumystaryna konsýltatsiialyq keńes surasa, kelissózge qajetti aqparatpen, tájiribemen almassa – másele basqa», - dedi Q.Toqaev.
