Foto: Aqorda
Prezident Qasym-Jomart Toqaev Dúniejúzilik dopingke qarsy agenttik sporttaǵy doping problemasymen kúresetin jahandyq institýt retinde negizgi ról atqaratynyna nazar aýdardy. Sondai-aq Vitold Bankanyń Astanaǵa sapary Qazaqstan men WADA arasyndaǵy yntymaqtastyqty keńeitýde mańyzdy qadam sanalatynyn jetkizdi.
Qasym-Jomart Toqaev júieli túrde tártip buzýshylarmen kúresý jáne taza sporttyń biryńǵai standarttaryn qoldaý máselesindegi agenttiktiń berik ustanymyna joǵary baǵa berdi. Bul sportshylarǵa ǵana emes, álemdegi milliondaǵan jankúier úshin de óte ózekti.
Búginde Qazaqstannyń Týrizm jáne sport ministrligi janynan dopingke qarsy synamalar zerthanasy jumys isteidi. Bul – Ortalyq Aziiadaǵy osy tektes jalǵyz mekeme. Zerthana bazasynda Óńirlik dopingke qarsy uiym qyzmet etedi. Onyń quramyna Qazaqstan, Ózbekstan, Qyrǵyzstan, Tájikstan, Túrikmenstan, Pákistan, Mońǵoliia jáne Aýǵanstan sekildi elder kiredi.
WADA prezidenti Qazaqstannyń agenttik bastamalaryn qoldaǵany úshin rizashylyǵyn bildirip, elimizdiń sport qurylymdarymen yqpaldastyq deńgeii joǵary ekenin atap ótti.
Qasym-Jomart Toqaev pen Vitold Banka uzaq merzimdi yntymaqtastyqty jalǵastyrý, Dúniejúzilik dopingke qarsy agenttiktiń jaýapty ári senimdi seriktesi retindegi Qazaqstannyń mártebesin odan ári nyǵaitý nietin rastady.
