Fotolar Dimash Qudaibergenniń Instagram paraqshasynan alyndy
Tanymal ánshi Dimash Qudaibergen Memleket basshysy Qasym-Jomart Toqaevtan erekshe syi aldy. Bul týraly ol áleýmettik jelidegi paraqshasynda jariialady, - dep habarlaidy "Ult aqparat".
"Dostar, tanysyp qoiyńyzdar, bul - meniń jańa dosym. Tabiǵattyń bul ǵajabyn, iaǵni tazy kúshigin maǵan Qasym-Jomart Kemeluly syilady.
Tazy - bizdiń ultymyz úshin qundylyq, babadan qalǵan "Jeti qazynanyń" biri. Qazirgi kúni Qazaqstanda tazyny saqtap qalýǵa jáne halyqaralyq dárejede moiyndaýǵa basa kóńil bólinip jatqany qýantady. Sebebi bul qazaqy tuqym tán sulýlyǵymen, ustamdylyǵymen erekshelenedi jáne meniń baiqaýymsha, óte aqyldy keledi. Ata-babamyz tazyny qasterlep, jaqsy kórgen. Bul it kiiz úige erkin kire alǵan, bul onyń tazalyǵyn bildiredi. "Tazy" ataýy parsy tilinen engen, maǵynasy "shapshań", "epti".
Osyndai baǵa jetpes syilyq úshin Prezidentimizge alǵys aitamyn! Tazynyń atyn "Ǵaryshker" dep atadyq", - dep jazdy ánshi.
Prezidenttiń keńesshisi - Prezidenttiń baspasóz hatshysy Berik Ýáli de ánshi bul syilyqqa erekshe qýanǵanyn aitty.
"Memleket basshysy Qasym-Jomart Toqaev Dimash Qudaibergenge tazynyń kúshigin syilady. Dimash tazyǵa "Ǵaryshker" dep at qoiyp, jelige sýretterin júktedi. Prezidenttiń syilyǵyna Dimashtyń erekshe qýanyp, riza bolǵanyn aita ketken jón. Jalpy qazaqtyń tazy tuqymyn álemdik deńgeide nasihattaýda Dimash úlken is atqara alady dep oilaimyn. Óitkeni jer jahandy jaýhar ónerimen jaýlaǵan daraboz ánshi ulttyń dáýirlerden jetken qundylyqtaryn dáriptese, dúniejúzine dańqy jaiylmaq. Bul da Memleket basshysy aitatyn kreativti indýstriianyń bir baǵyty bolady degen senimdemin", - dep jazdy ol.
