فوتولار ديماش قۇدايبەرگەننٸڭ Instagram پاراقشاسىنان الىندى
تانىمال ەنشٸ ديماش قۇدايبەرگەن مەملەكەت باسشىسى قاسىم-جومارت توقاەۆتان ەرەكشە سىي الدى. بۇل تۋرالى ول ەلەۋمەتتٸك جەلٸدەگٸ پاراقشاسىندا جارييالادى, - دەپ حابارلايدى "ۇلت اقپارات".
"دوستار, تانىسىپ قويىڭىزدار, بۇل - مەنٸڭ جاڭا دوسىم. تابيعاتتىڭ بۇل عاجابىن, ياعني تازى كٷشٸگٸن ماعان قاسىم-جومارت كەمەلۇلى سىيلادى.
تازى - بٸزدٸڭ ۇلتىمىز ٷشٸن قۇندىلىق, بابادان قالعان "جەتٸ قازىنانىڭ" بٸرٸ. قازٸرگٸ كٷنٸ قازاقستاندا تازىنى ساقتاپ قالۋعا جەنە حالىقارالىق دەرەجەدە مويىنداۋعا باسا كٶڭٸل بٶلٸنٸپ جاتقانى قۋانتادى. سەبەبٸ بۇل قازاقى تۇقىم تەن سۇلۋلىعىمەن, ۇستامدىلىعىمەن ەرەكشەلەنەدٸ جەنە مەنٸڭ بايقاۋىمشا, ٶتە اقىلدى كەلەدٸ. اتا-بابامىز تازىنى قاستەرلەپ, جاقسى كٶرگەن. بۇل يت كيٸز ٷيگە ەركٸن كٸرە العان, بۇل ونىڭ تازالىعىن بٸلدٸرەدٸ. "تازى" اتاۋى پارسى تٸلٸنەن ەنگەن, ماعىناسى "شاپشاڭ", "ەپتٸ".
وسىنداي باعا جەتپەس سىيلىق ٷشٸن پرەزيدەنتٸمٸزگە العىس ايتامىن! تازىنىڭ اتىن "عارىشكەر" دەپ اتادىق", - دەپ جازدى ەنشٸ.
پرەزيدەنتتٸڭ كەڭەسشٸسٸ - پرەزيدەنتتٸڭ باسپاسٶز حاتشىسى بەرٸك ۋەلي دە ەنشٸ بۇل سىيلىققا ەرەكشە قۋانعانىن ايتتى.
"مەملەكەت باسشىسى قاسىم-جومارت توقاەۆ ديماش قۇدايبەرگەنگە تازىنىڭ كٷشٸگٸن سىيلادى. ديماش تازىعا "عارىشكەر" دەپ ات قويىپ, جەلٸگە سۋرەتتەرٸن جٷكتەدٸ. پرەزيدەنتتٸڭ سىيلىعىنا ديماشتىڭ ەرەكشە قۋانىپ, ريزا بولعانىن ايتا كەتكەن جٶن. جالپى قازاقتىڭ تازى تۇقىمىن ەلەمدٸك دەڭگەيدە ناسيحاتتاۋدا ديماش ٷلكەن ٸس اتقارا الادى دەپ ويلايمىن. ٶيتكەنٸ جەر جاھاندى جاۋھار ٶنەرٸمەن جاۋلاعان دارابوز ەنشٸ ۇلتتىڭ دەۋٸرلەردەن جەتكەن قۇندىلىقتارىن دەرٸپتەسە, دٷنيەجٷزٸنە داڭقى جايىلماق. بۇل دا مەملەكەت باسشىسى ايتاتىن كرەاتيۆتٸ يندۋسترييانىڭ بٸر باعىتى بولادى دەگەن سەنٸمدەمٸن", - دەپ جازدى ول.
