Qasym-Jomart Toqaev Dúniejúzilik densaýlyq saqtaý uiymynyń Bas direktory Tedros Adhanom Gebreiesýspen kezdesti, dep habarlaidy Aqorda.
Memleket basshysy Dúniejúzilik densaýlyq saqtaý uiymynyń Bas direktory Tedros Adhanom Gebreiesýspen video konferentsiia rejiminde kezdesý ótkizdi.
Kezdesý barysynda Qazaqstan men Dúniejúzilik densaýlyq saqtaý uiymy arasyndaǵy, atap aitqanda, koronavirýs pandemiiasyna qarsy is-qimyl boiynsha yntymaqtastyqty nyǵaitýdyń perspektivalary qarastyryldy.
Qasym-Jomart Toqaev Qazaqstannyń Dúniejúzilik densaýlyq saqtaý uiymymen aradaǵy yqpaldastyqtyń deńgeiin joǵary baǵalady. Sondai-aq Tedros Adhanom Gebreiesýstiń Dúniejúzilik densaýlyq saqtaý assambleiasynyń ashylýynda COVID-19 indetine qarsy vaktsinalaý jónindegi jahandyq kúsh-jigerdi kúsheitýge shaqyrǵan sózin qoldady. Dúniejúzilik densaýlyq saqtaý uiymy Bas direktorynyń aitýynsha, qyrkúiek aiyna qarai jer sharyndaǵy halyqtyń 10 paiyzyna ekpe egilip, jyl sońyna deiin bul kórsetkish 30 paiyzǵa jetýi kerek.
Prezident elimizge naqty kórsetken qoldaýy, iaǵni pandemiianyń alǵashqy ailarynda qorǵanysh quraldary men meditsinalyq jabdyqtardy jetkizip bergeni úshin Dúniejúzilik densaýlyq saqtaý uiymyna rizashylyq bildirdi.
Qasym-Jomart Toqaev Tedros Adhanom Gebreiesýske Qazaqstanda koronavirýspen kúresý úshin qabyldanyp jatqan sharalar jóninde málimet berdi.
Áńgime barysynda COVID-19 indetine qarsy ekpe egý úderisine basa mán berildi. Prezident Dúniejúzilik densaýlyq saqtaý uiymynyń basshysyna qazaqstandyq QazVac vaktsinasynyń klinikalyq synamalarynyń aldyn ala nátijeleri týraly aitty. Otandyq vaktsinanyń tiimdilik deńgeii 96 paiyz. Qazirgi ýaqytta salalyq organdar otandyq vaktsinaǵa kelisim alý úshin Dúniejúzilik densaýlyq saqtaý uiymymen jumys júrgizip jatyr. Tedros Adhanom Gebreiesýs Qasym-Jomart Toqaevtyń pandemiiaǵa qarsy kúrestegi eńbegine joǵary baǵa berdi.
«Búginge deiin 2 million adamǵa vaktsina salynǵan eken. Bul - óte jaqsy kórsetkish. Kóptegen el mundai deńgeige jetken joq. Halyqtyń 55 paiyzyna ekpe salamyz degen maqsattaryńyz qoldaýǵa turarlyq», – dedi Dúniejúzilik densaýlyq saqtaý uiymynyń basshysy.
Sonymen qatar ol QazVac ekpesiniń ázirlemesin qoldaitynyn jáne Dúniejúzilik densaýlyq saqtaý uiymy tótenshe jaǵdai kezinde paidalanýǵa bolatyn dári-dármekterdiń tizimine qosý múmkindigin qarastyrýǵa daiyn ekenin aitty.
Taraptar alǵashqy meditsinalyq-sanitarlyq kómek qyzmetiniń damý perspektivalaryn, atap aitqanda, 2018 jyly qabyldanǵan Astana deklaratsiiasyn ilgeriletý máselesin qozǵady. Osy oraida Memleket basshysy Qazaqstannyń bastamasy boiynsha ázirlenetin Alǵashqy meditsinalyq-sanitarlyq kómek týraly saiasi rezoliýtsiiany qoldaýǵa shaqyrdy. Atalǵan qujat 2022 jyly ótetin BUU Bas Assambleiasynyń kezekti sessiiasynda qabyldanýy múmkin. Rezoliýtsiia jobasynda Astana deklaratsiiasynyń mindetteri men Alǵashqy meditsinalyq-sanitarlyq kómek mehanizmderi qamtylǵan.
Qasym-Jomart Toqaev Tedros Adhanom Gebreiesýsqa «One Health» baǵdarlamasy aiasynda daiyndalǵan Ortalyq Aziianyń áleýetin arttyrý jónindegi Qazaqstannyń pilottyq jobasyn usyndy. Bul joba aýrý men bioqaýipsizdikti baqylaýdyń óńirlik ortalyǵyn qurýdy maqsat etedi.
Taraptar pandemiianyń syn-qaterlerin eńserý maqsatynda tyǵyz yntymaqtasa jumys isteýdi jalǵastyrýǵa ýaǵdalasty. Memleket basshysy Qazaqstannyń Dúniejúzilik densaýlyq saqtaý uiymynyń qundylyqtary men maqsattaryn odan ári ilgeriletýge ázir ekenin naqtylady.
