Foto: Akorda.kz
Memleket basshysy BUU-nyń Adam quqyqtary jónindegi joǵarǵy komissary Folker Tiýrkpen kezdesti, - dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaev Folker Tiýrkke iltipat bildire otyryp, onyń bul sapary Qazaqstan men BUU-nyń Adam quqyqtary jónindegi joǵarǵy komissarynyń basqarmasy arasyndaǵy yntymaqtastyqty odan ári nyǵaitý úshin mańyzdy ekenin atap ótti. Memleket basshysy elimizdiń adam quqyqtaryn qorǵaý máselesi boiynsha tyǵyz qarym-qatynas ornatýǵa jáne aqparat almasýǵa daiyn ekenin málimdedi.
Prezidenttiń aitýynsha, Qazaqstan BUU-nyń negizgi konventsiialary men hattamalarynyń bárin ratifikatsiialady jáne ulttyq deńgeide adam quqyqtary salasynda ózara belsendi is-áreket mehanizmderi jasaldy.
Óz kezeginde Folker Tiýrk qonaqjailyq kórsetkeni úshin Qasym-Jomart Toqaevqa alǵys aitty jáne osy jyldarda adam quqyqtary máselesi boiynsha uiymnyń Qazaqstan biligimen aradaǵy qalyptasqan qarym-qatynasyna oń baǵa berdi.
Sondai-aq Joǵarǵy komissar Prezidenttiń bastamasymen elimizdiń qoǵamdyq-saiasi ómirinde júrgizilip jatqan ózgeristerdiń ýaqtyly qolǵa alynǵanyn atap ótti.
"Men sońǵy jyldary sizdiń elińizde bolyp jatqan oqiǵalardy baqyladym. Biz úshin azamattardyń quqyqtaryn qorǵaý máselesi reformalardyń ajyramas bóligi bolǵany óte mańyzdy. Óitkeni eldiń bolashaǵy osyǵan bailanysty. Árbir eldiń keleshegi Birikken Ulttar Uiymy men búkil álem súienetin irgeli qaǵidattarǵa negizdelýge tiis dep oilaimyz. Biyl Adam quqyqtarynyń jalpyǵa birdei deklaratsiiasynyń qabyldanǵanyna 75 jyl tolady. Biz bul ataýly datany álemde qalyptasqan qaishylyqtardy eńserý múmkindigi retinde qarastyrǵymyz keledi", – dedi Folker Tiýrk.
