فوتو: Akorda.kz
مەملەكەت باسشىسى بۇۇ-نىڭ ادام قۇقىقتارى جٶنٸندەگٸ جوعارعى كوميسسارى فولكەر تيۋركپەن كەزدەستٸ, - دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆ فولكەر تيۋرككە ٸلتيپات بٸلدٸرە وتىرىپ, ونىڭ بۇل ساپارى قازاقستان مەن بۇۇ-نىڭ ادام قۇقىقتارى جٶنٸندەگٸ جوعارعى كوميسسارىنىڭ باسقارماسى اراسىنداعى ىنتىماقتاستىقتى ودان ەرٸ نىعايتۋ ٷشٸن ماڭىزدى ەكەنٸن اتاپ ٶتتٸ. مەملەكەت باسشىسى ەلٸمٸزدٸڭ ادام قۇقىقتارىن قورعاۋ مەسەلەسٸ بويىنشا تىعىز قارىم-قاتىناس ورناتۋعا جەنە اقپارات الماسۋعا دايىن ەكەنٸن مەلٸمدەدٸ.
پرەزيدەنتتٸڭ ايتۋىنشا, قازاقستان بۇۇ-نىڭ نەگٸزگٸ كونۆەنتسييالارى مەن حاتتامالارىنىڭ بەرٸن راتيفيكاتسييالادى جەنە ۇلتتىق دەڭگەيدە ادام قۇقىقتارى سالاسىندا ٶزارا بەلسەندٸ ٸس-ەرەكەت مەحانيزمدەرٸ جاسالدى.
ٶز كەزەگٸندە فولكەر تيۋرك قوناقجايلىق كٶرسەتكەنٸ ٷشٸن قاسىم-جومارت توقاەۆقا العىس ايتتى جەنە وسى جىلداردا ادام قۇقىقتارى مەسەلەسٸ بويىنشا ۇيىمنىڭ قازاقستان بيلٸگٸمەن اراداعى قالىپتاسقان قارىم-قاتىناسىنا وڭ باعا بەردٸ.
سونداي-اق جوعارعى كوميسسار پرەزيدەنتتٸڭ باستاماسىمەن ەلٸمٸزدٸڭ قوعامدىق-ساياسي ٶمٸرٸندە جٷرگٸزٸلٸپ جاتقان ٶزگەرٸستەردٸڭ ۋاقتىلى قولعا الىنعانىن اتاپ ٶتتٸ.
"مەن سوڭعى جىلدارى سٸزدٸڭ ەلٸڭٸزدە بولىپ جاتقان وقيعالاردى باقىلادىم. بٸز ٷشٸن ازاماتتاردىڭ قۇقىقتارىن قورعاۋ مەسەلەسٸ رەفورمالاردىڭ اجىراماس بٶلٸگٸ بولعانى ٶتە ماڭىزدى. ٶيتكەنٸ ەلدٸڭ بولاشاعى وسىعان بايلانىستى. ەربٸر ەلدٸڭ كەلەشەگٸ بٸرٸككەن ۇلتتار ۇيىمى مەن بٷكٸل ەلەم سٷيەنەتٸن ٸرگەلٸ قاعيداتتارعا نەگٸزدەلۋگە تيٸس دەپ ويلايمىز. بيىل ادام قۇقىقتارىنىڭ جالپىعا بٸردەي دەكلاراتسيياسىنىڭ قابىلدانعانىنا 75 جىل تولادى. بٸز بۇل اتاۋلى داتانى ەلەمدە قالىپتاسقان قايشىلىقتاردى ەڭسەرۋ مٷمكٸندٸگٸ رەتٸندە قاراستىرعىمىز كەلەدٸ", – دەدٸ فولكەر تيۋرك.
