Qazaqstan Prezidenti Qasym-Jomart Toqaev «Bolashaq» munai jáne gaz óńdeý zaýytyna bardy, dep habarlaidy "Ult aqparat" Aqordaǵa silteme jasap.
Memleket basshysy «Bolashaq» zaýytynyń óndiristik nysandaryn tikushaqpen aralap kórdi.
Qazaqstan Prezidentine munai-gaz salasynyń ahýaly men ony damytý perspektivalary jóninde baiandaldy. Sonymen qatar, Memleket basshysyna munai óńdeýdiń jáne turaqtandyrýdyń, suiyltylǵan gazdy munaidan ajyratýdyń jáne tazalaýdyń, tabiǵi kúkirtti óndirýdiń jáne ony saqtaý men tasymaldaýdyń tehnologiialyq úderisteri tanystyryldy.
Qasym-Jomart Toqaev óndiris ornynyń Atyraý qalasynan alys emesin atap ótip, qorshaǵan ortany qorǵaýǵa erekshe kóńil bólýge shaqyrdy. Sonymen qatar, Memleket basshysy Qazaqstan azamattarynyń eńbek quqyǵyn saqtaýdyń mańyzdylyǵyna toqtaldy.
Qazaqstan Prezidenti kásiporyn ujymyn táýligine 370 myń barrel munai óńdep, rekord jańartýymen quttyqtady jáne munaishylarǵa tabys, baq-bereke tiledi.
