Foto: qaz-media.kz
Memleket basshysy Qasym-Jomart Toqaev Qazaqstan halqy Assambleiasynyń HHHIII sessiiasy otyrysynda blogerler men jýrnalisterge júgindi, - dep habarlaidy «Ult aqparat» Aqordaǵa silteme jasap.
"Buqaralyq aqparat quraldary jáne ózderin bloger sanaityn keibir azamattar tabiǵat apatyna qatysty dúrbeleń týdyryp baibalam salý, bilikti orynsyz aiyptaý qoǵamdy ortaq iske uiystyrýǵa bóget bolatynyn, memlekettik organdar ahýaldy ýysynan shyǵaryp aldy degen jalǵan uǵym qalyptastyratynyn túsinýge tiis. Mundai áreket áleýmettik kúizelis týdyrady. Onyń saldary halqymyzdyń abyroi-bedeline nuqsan keltiredi. Sondyqtan bilik osyndai keleńsiz jaǵdailardyń aldyn alý úshin memleket qaýipsizdigine qater tóndiretin adamdarǵa zań júzinde shara qoldanady.
Sonymen birge barlyq deńgeidegi bilik ókilderi jurtshylyqpen, ásirese, bedeldi ári jaýapkershiligi joǵary belsendi azamattarmen tyǵyz bailanysta bolýy kerek. Halyqtyń pikirine qulaq asýy, eń bastysy, jedel jáne durys sheshim qabyldaýǵa tiis.
Qazir memleket qordalanyp qalǵan kóptegen túitkildiń túiinin tarqatýǵa májbúr. Azamattardyń basym kópshiligi muny túsinedi. Bir jaǵynan, Úkimettiń kóptegen salany jantalasa retteýine týra kelip otyr. Ekinshi jaǵynan, elimizdiń turaqty damýyna myqty negiz qalyptastyrýǵa tiis", - dedi Qasym-Jomart Toqaev.
