Biz Alash arystarynyń esimin jańǵyrtyp, tarihi róline baǵa berýdi qolǵa aldyq. Bul týraly QR Prezidenti Qasym-Jomart Toqaev Álihan Bókeihan, Ahmet Baitursynuly jáne Mirjaqyp Dýlatuly syndy ultymyzdyń uly tulǵalaryna arnalǵan eskertkishtiń saltanatty ashylý rásiminde aitty, dep habarlaidy "Ult aqparat".
Saltanatty sharada Qasym-Jomart Toqaev Táýelsizdiktiń arqasynda uzaq jyldar boiy halyq jaýy atanyp, qýǵyn-súrginge ushyraǵan Alash arystarynyń eńbekteri laiyqty baǵasyn alyp, olardyń esimderi qaita jańǵyryp jatqanyna toqtaldy.
«Ókinishke qarai, túgelge jýyǵy halyq jaýy atanyp, qýǵyn-súrgin qurbany boldy. Eńbekteri joiyldy, uzaq jyldar boiy olardyń atyn ataýǵa tyiym salyndy. Biraq, ultymyz uly perzentteriniń esimin sanasynan óshirmei, jadynda saqtai bildi. Táýelsizdik jyldarynda Alash ideiasy men Alash murasy túbegeili qaita qaraldy. Osydan birneshe jyl buryn «Alash» avtonomiiasynyń 100 jyldyǵyn atap óttik. Biyl Álihan Bókeihannyń 155 jyldyǵy Táýelsizdik merekesi aiasynda ótip jatyr. Biz Alash arystarynyń esimin jańǵyrtyp, tarihi róline baǵa berýdi qolǵa aldyq. Meniń Jarlyǵymmen Saiasi qýǵyn-súrgin qurbandaryn tolyq aqtaý jónindegi memlekettik komissiia quryldy» , – dedi Memleket basshysy.
