Prezident memlekettik nagradalar, joǵary áskeri jáne arnaýly ataqtar, synyptyq shender tapsyrý rásimine qatysty, - dep habarlaidy "Ult aqparat" Aqorda saityna silteme jasap.
Memleket basshysy – Qazaqstan Qarýly Kúshteriniń Joǵarǵy Bas qolbasshysy Qasym-Jomart Toqaev jiynǵa qatysýshylardy Otan qorǵaýshy jáne Jeńis kúnimen quttyqtap, jyl saiyn qatar atap ótiletin qos mereke Otan úshin ot keshken aǵa býyn men egemen eldiń sarbazdary arasyndaǵy sabaqtastyqty bildiretinine nazar aýdardy.
– Qazaq – dańqty tarihyn at tuiaǵymen jazǵan halyq. Biz ulan-ǵaiyr jerin jaýǵa bastyrmaǵan batyr eldiń urpaǵymyz. Alapat soǵysta jeńiske jetken qaharman erlerdiń izbasarymyz. Qazir elimizdiń kúshtik qurylymdary Qazaqstannyń qaýipsizdigin qas qaqpai kúzetip tur. Otanymyzdyń irgesi berik bolýyn qamtamasyz etý – ár azamattyń perzenttik paryzy. Sondai-aq ómir jolyn áskeri qyzmetke arnaǵan mamandardyń kásibi mindeti. Qazaqstan – beibit memleket. Biz barlyq eldermen dostyq qatynas ornattyq. Memleketter arasyndaǵy kez kelgen máseleni beibit jolmen sheshý kerek dep sanaimyz. Degenmen qamsyz otyrýǵa bolmaidy. Barlyq jaǵdaiǵa saqadai sai bolýymyz airyqsha mańyzdy. Elimizdiń qorǵanys jáne qaýipsizdik salasyn kúsheitý – basty mindettiń biri, – dedi Memleket basshysy.
Prezident memlekettiń qorǵanys qabiletin kúsheitý, ulttyq qaýipsizdikti nyǵaitý, sondai-aq zań ústemdigi men quqyqtyq tártipti qamtamasyz etý elimizdiń myzǵymas basymdyqtary ekenin atap ótti.
– Memleket kúshtik qurylymdarǵa kórsetiletin qoldaýdy dáiekti túrde keńeitip keledi. Infraqurylym, materialdyq-tehnikalyq turǵyda jabdyqtaý máseleleri kezeń-kezeńmen jaqsaryp, eńbekaqy men áleýmettik jeńildikter artyp keledi. Áskeri qyzmetshiler, arnaýly jáne quqyq qorǵaý organdarynyń qyzmetkerleri, kúshtik qurylymdardyń ardagerleri árdaiym memlekettiń kómegi men qamqorlyǵyna senýine bolady. Otan qorǵaý – árbir azamat úshin biik mártebe. Sondai-aq bul – týǵan eldiń, bolashaq urpaqtyń aldyndaǵy úlken jaýapkershilik. Sizder elimizdegi beibit ómirdi, tynyshtyq pen turaqtylyqty saqtaýǵa zor úles qosyp júrsizder. Óz isiniń naǵyz sheberi atanyp, minsiz qyzmet atqaryp kelesizder. Ortamyzda antyna adal bolyp, el qaýipsizdigi úshin basyn qaterge tikken beibit kúnniń batyrlary bar. Olardyń erligi, shyn máninde, barsha halyqqa, ásirese, jastarǵa úlgi-ónege, – dedi Qasym-Jomart Toqaev.
Prezident sózin qorytyndylai kele, el tynyshtyǵyn, memleket qaýipsizdigin qorǵaýǵa atsalysyp júrgen barsha azamatqa alǵys aitty.
Budan keiin Memleket basshysy erligimen jáne eńbegimen dara shyqqan birqatar azamatty memlekettik nagradamen marapattady. Sondai-aq áskeri jáne arnaýly ataqtar, synyptyq shender tapsyrdy.
– Qurmetti ofitserler men sarbazdar! Marapattaryńyz ben ataq-shenderińiz qutty bolsyn! Antqa adal bolyp, memleketimiz úshin, halqymyz úshin qyzmet eteiik. Bul – paryz ári zor mártebe, – dedi Prezident sóziniń sońynda.
Memleket basshysynyń qolynan áskeri jáne arnaýly ataq, synyptyq shen alǵan ofitserlerdiń tizimimen myna silteme arqyly tanysýǵa bolady.
Otan qorǵaýshy kúnine orai memlekettik nagradalarmen marapattalǵan tulǵalar tizimi
I dárejeli "Dańq" ordenimen:
- Qusaiynov Marat Raqymuly – Qazaqstan Respýblikasy Qorǵanys ministriniń birinshi orynbasary – Qarýly Kúshteri Bas shtabynyń bastyǵy;
II dárejeli "Dańq" ordenimen:
- Sultan Bektóre Jeńisbaiuly – Ishki ister ministrligi Abai oblysy politsiia departamentiniń bastyǵy
- Úshtaev Qýanyshbek Óskenbaiuly – Qorǵanys ministrligi "Shyǵys" óńirlik qolbasshylyǵy áskerleriniń qolbasshysy
- Shalabaev Serik Rysqaliuly – Batys Qazaqstan oblysynyń prokýrory;
I dárejeli "Aibyn" ordenimen:
- Orazaliev Arman Moldiiaruly – Ishki ister ministrliginiń departament bastyǵynyń orynbasary;
II dárejeli "Aibyn" ordenimen:
- Ábdihanov Qýat Amanbekuly – Qazaqstan Respýblikasy Qarjylyq monitoring agenttiginiń departament basshysy
- Ábdibaev Jandos Narymbetuly – Almaty qalasy prokýrorynyń orynbasary
- Basshybaev Madiiar Bekenuly – Jetisý oblysynyń prokýrory
- Derbishev Murat Aqynbekuly – Ulttyq qaýipsizdik komiteti Qyzmeti direktorynyń orynbasary
- Jumataev Taiyr Qaiyruly – Qorǵanys ministrligi 97616 áskeri bóliminiń komandiri
- Ibraeva Sániia Hamidqyzy – Memlekettik kúzet qyzmetiniń qyzmet bastyǵy
- Qojyqov Serik Elibaiuly – Memlekettik kúzet qyzmeti "Aibyn" Prezidenttik polkiniń basqarma bastyǵy
- Nuranov Mirjan Qairatuly – Ulttyq qaýipsizdik komitetiniń departamenti bastyǵynyń orynbasary
- Nurkeldiev Dastan Smaǵululy – Qazaqstan Respýblikasy Qarýly Kúshteri Áskeri politsiiasynyń bas basqarma bastyǵynyń orynbasary
- Omarov Ashat Nurboluly – Memlekettik kúzet qyzmetiniń basqarma bastyǵy
- Ótegenov Erlan Rahymjanuly – Astana qalasynyń prokýrory
- Rýdkovskii Denis Iosifovich – Ishki ister ministrliginiń departament bastyǵynyń orynbasary
- Toishybekov Asqar Tasbolatuly – Tótenshe jaǵdailar ministrliginiń Almaty oblysy Tótenshe jaǵdailar departamentiniń bastyǵy;
III dárejeli "Aibyn" ordenimen:
- Kembaev Ádilet Erikuly – Ishki ister ministrliginiń "Almaty qalasy mamandandyrylǵan kúzet qyzmeti basqarmasy" MM vzvod komandiriniń kómekshisi;
"Qurmet" ordenimen:
- Dúisekova Áliia Abaiqyzy – Ishki ister ministrliginiń departament bastyǵynyń orynbasary
- Omarov Ǵalymjan Jumahanuly – Qorǵanys ministrligi Áskeri klinikalyq gospitali bastyǵynyń orynbasary;
"Erligi úshin" medalimen:
- Baiǵonaqov Azamat Sairanuly – Qazaqstan Respýblikasy Ulttyq ulanynyń "Ortalyq" óńirlik qolbasshylyǵy 5510 áskeri bóliminiń shtab bastyǵy – jasaq komandiriniń orynbasary
- Dáýrenqulov Ádil Erkinuly – Tótenshe jaǵdailar ministrligi Almaty qalasy Tótenshe jaǵdailar departamenti órt sóndirý jáne avariialyq-qutqarý jumystary qyzmeti №1 mamandandyrylǵan órt sóndirý bóliminiń órt sóndirýshisi – qutqarýshysy
- Ysqaqov Ermek Erjanuly – Tótenshe jaǵdailar ministrligi Abai oblysy Tótenshe jaǵdailar departamenti órt sóndirý jáne avariialyq-qutqarý jumystary qyzmeti №1 mamandandyrylǵan órt sóndirý bóliminiń bólimshe komandiri;
"Jaýyngerlik erligi úshin" medalimen:
- Abzaliev Oljas Qairatpekuly – Memlekettik kúzet qyzmetiniń aǵa inspektory
- Dúisenova Raýshan Bolatqyzy – Ulttyq qaýipsizdik komitetiniń basqarma bastyǵy
- Qalquzov Erbol Ótegenuly – Ulttyq qaýipsizdik komitetiniń basqarma bastyǵy
- Qonysbaev Almas Qudaibergenuly – Qorǵanys ministrligi 10810 áskeri bólimi motoatqyshtar batalony mergender vzvodynyń komandiri
- Nuǵymanov Baqytjan Zeinollauly – Qazaqstan Respýblikasy Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmettiń) Qyzylorda oblysy boiynsha departamentiniń asa mańyzdy ister jónindegi tergeýshisi
- Omarov Jeńis Omaruly – Qazaqstan Respýblikasy Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmettiń) Almaty oblysy boiynsha departamentiniń asa mańyzdy ister jónindegi ofitseri
- Snadinov Aidos Shynbaiuly – Ulttyq qaýipsizdik komitetiniń Aqtóbe oblysy boiynsha departamenti basqarma bastyǵynyń orynbasary.
