پرەزيدەنت مەملەكەتتٸك ناگرادالار, جوعارى ەسكەري جەنە ارناۋلى اتاقتار, سىنىپتىق شەندەر تاپسىرۋ رەسٸمٸنە قاتىستى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
مەملەكەت باسشىسى – قازاقستان قارۋلى كٷشتەرٸنٸڭ جوعارعى باس قولباسشىسى قاسىم-جومارت توقاەۆ جيىنعا قاتىسۋشىلاردى وتان قورعاۋشى جەنە جەڭٸس كٷنٸمەن قۇتتىقتاپ, جىل سايىن قاتار اتاپ ٶتٸلەتٸن قوس مەرەكە وتان ٷشٸن وت كەشكەن اعا بۋىن مەن ەگەمەن ەلدٸڭ ساربازدارى اراسىنداعى ساباقتاستىقتى بٸلدٸرەتٸنٸنە نازار اۋداردى.
– قازاق – داڭقتى تاريحىن ات تۇياعىمەن جازعان حالىق. بٸز ۇلان-عايىر جەرٸن جاۋعا باستىرماعان باتىر ەلدٸڭ ۇرپاعىمىز. الاپات سوعىستا جەڭٸسكە جەتكەن قاھارمان ەرلەردٸڭ ٸزباسارىمىز. قازٸر ەلٸمٸزدٸڭ كٷشتٸك قۇرىلىمدارى قازاقستاننىڭ قاۋٸپسٸزدٸگٸن قاس قاقپاي كٷزەتٸپ تۇر. وتانىمىزدىڭ ٸرگەسٸ بەرٸك بولۋىن قامتاماسىز ەتۋ – ەر ازاماتتىڭ پەرزەنتتٸك پارىزى. سونداي-اق ٶمٸر جولىن ەسكەري قىزمەتكە ارناعان مامانداردىڭ كەسٸبي مٸندەتٸ. قازاقستان – بەيبٸت مەملەكەت. بٸز بارلىق ەلدەرمەن دوستىق قاتىناس ورناتتىق. مەملەكەتتەر اراسىنداعى كەز كەلگەن مەسەلەنٸ بەيبٸت جولمەن شەشۋ كەرەك دەپ سانايمىز. دەگەنمەن قامسىز وتىرۋعا بولمايدى. بارلىق جاعدايعا ساقاداي ساي بولۋىمىز ايرىقشا ماڭىزدى. ەلٸمٸزدٸڭ قورعانىس جەنە قاۋٸپسٸزدٸك سالاسىن كٷشەيتۋ – باستى مٸندەتتٸڭ بٸرٸ, – دەدٸ مەملەكەت باسشىسى.
پرەزيدەنت مەملەكەتتٸڭ قورعانىس قابٸلەتٸن كٷشەيتۋ, ۇلتتىق قاۋٸپسٸزدٸكتٸ نىعايتۋ, سونداي-اق زاڭ ٷستەمدٸگٸ مەن قۇقىقتىق تەرتٸپتٸ قامتاماسىز ەتۋ ەلٸمٸزدٸڭ مىزعىماس باسىمدىقتارى ەكەنٸن اتاپ ٶتتٸ.
– مەملەكەت كٷشتٸك قۇرىلىمدارعا كٶرسەتٸلەتٸن قولداۋدى دەيەكتٸ تٷردە كەڭەيتٸپ كەلەدٸ. ينفراقۇرىلىم, ماتەريالدىق-تەحنيكالىق تۇرعىدا جابدىقتاۋ مەسەلەلەرٸ كەزەڭ-كەزەڭمەن جاقسارىپ, ەڭبەكاقى مەن ەلەۋمەتتٸك جەڭٸلدٸكتەر ارتىپ كەلەدٸ. ەسكەري قىزمەتشٸلەر, ارناۋلى جەنە قۇقىق قورعاۋ ورگاندارىنىڭ قىزمەتكەرلەرٸ, كٷشتٸك قۇرىلىمداردىڭ ارداگەرلەرٸ ەردايىم مەملەكەتتٸڭ كٶمەگٸ مەن قامقورلىعىنا سەنۋٸنە بولادى. وتان قورعاۋ – ەربٸر ازامات ٷشٸن بيٸك مەرتەبە. سونداي-اق بۇل – تۋعان ەلدٸڭ, بولاشاق ۇرپاقتىڭ الدىنداعى ٷلكەن جاۋاپكەرشٸلٸك. سٸزدەر ەلٸمٸزدەگٸ بەيبٸت ٶمٸردٸ, تىنىشتىق پەن تۇراقتىلىقتى ساقتاۋعا زور ٷلەس قوسىپ جٷرسٸزدەر. ٶز ٸسٸنٸڭ ناعىز شەبەرٸ اتانىپ, مٸنسٸز قىزمەت اتقارىپ كەلەسٸزدەر. ورتامىزدا انتىنا ادال بولىپ, ەل قاۋٸپسٸزدٸگٸ ٷشٸن باسىن قاتەرگە تٸككەن بەيبٸت كٷننٸڭ باتىرلارى بار. ولاردىڭ ەرلٸگٸ, شىن مەنٸندە, بارشا حالىققا, ەسٸرەسە, جاستارعا ٷلگٸ-ٶنەگە, – دەدٸ قاسىم-جومارت توقاەۆ.
پرەزيدەنت سٶزٸن قورىتىندىلاي كەلە, ەل تىنىشتىعىن, مەملەكەت قاۋٸپسٸزدٸگٸن قورعاۋعا اتسالىسىپ جٷرگەن بارشا ازاماتقا العىس ايتتى.
بۇدان كەيٸن مەملەكەت باسشىسى ەرلٸگٸمەن جەنە ەڭبەگٸمەن دارا شىققان بٸرقاتار ازاماتتى مەملەكەتتٸك ناگرادامەن ماراپاتتادى. سونداي-اق ەسكەري جەنە ارناۋلى اتاقتار, سىنىپتىق شەندەر تاپسىردى.
– قۇرمەتتٸ وفيتسەرلەر مەن ساربازدار! ماراپاتتارىڭىز بەن اتاق-شەندەرٸڭٸز قۇتتى بولسىن! انتقا ادال بولىپ, مەملەكەتٸمٸز ٷشٸن, حالقىمىز ٷشٸن قىزمەت ەتەيٸك. بۇل – پارىز ەرٸ زور مەرتەبە, – دەدٸ پرەزيدەنت سٶزٸنٸڭ سوڭىندا.
مەملەكەت باسشىسىنىڭ قولىنان ەسكەري جەنە ارناۋلى اتاق, سىنىپتىق شەن العان وفيتسەرلەردٸڭ تٸزٸمٸمەن مىنا سٸلتەمە ارقىلى تانىسۋعا بولادى.
وتان قورعاۋشى كٷنٸنە وراي مەملەكەتتٸك ناگرادالارمەن ماراپاتتالعان تۇلعالار تٸزٸمٸ
I دەرەجەلٸ "داڭق" وردەنٸمەن:
- قۇسايىنوۆ مارات راقىمۇلى – قازاقستان رەسپۋبليكاسى قورعانىس مينيسترٸنٸڭ بٸرٸنشٸ ورىنباسارى – قارۋلى كٷشتەرٸ باس شتابىنىڭ باستىعى;
II دەرەجەلٸ "داڭق" وردەنٸمەن:
- سۇلتان بەكتٶرە جەڭٸسبايۇلى – ٸشكٸ ٸستەر مينيسترلٸگٸ اباي وبلىسى پوليتسييا دەپارتامەنتٸنٸڭ باستىعى
- ٷشتاەۆ قۋانىشبەك ٶسكەنبايۇلى – قورعانىس مينيسترلٸگٸ "شىعىس" ٶڭٸرلٸك قولباسشىلىعى ەسكەرلەرٸنٸڭ قولباسشىسى
- شالاباەۆ سەرٸك رىسقاليۇلى – باتىس قازاقستان وبلىسىنىڭ پروكۋرورى;
I دەرەجەلٸ "ايبىن" وردەنٸمەن:
- ورازاليەۆ ارمان مولدييارۇلى – ٸشكٸ ٸستەر مينيسترلٸگٸنٸڭ دەپارتامەنت باستىعىنىڭ ورىنباسارى;
II دەرەجەلٸ "ايبىن" وردەنٸمەن:
- ەبدٸحانوۆ قۋات امانبەكۇلى – قازاقستان رەسپۋبليكاسى قارجىلىق مونيتورينگ اگەنتتٸگٸنٸڭ دەپارتامەنت باسشىسى
- ەبدٸباەۆ جاندوس نارىمبەتۇلى – الماتى قالاسى پروكۋرورىنىڭ ورىنباسارى
- باسشىباەۆ مادييار بەكەنۇلى – جەتٸسۋ وبلىسىنىڭ پروكۋرورى
- دەربٸشەۆ مۇرات اقىنبەكۇلى – ۇلتتىق قاۋٸپسٸزدٸك كوميتەتٸ قىزمەتٸ ديرەكتورىنىڭ ورىنباسارى
- جۇماتاەۆ تايىر قايىرۇلى – قورعانىس مينيسترلٸگٸ 97616 ەسكەري بٶلٸمٸنٸڭ كومانديرٸ
- يبراەۆا سەنييا حاميدقىزى – مەملەكەتتٸك كٷزەت قىزمەتٸنٸڭ قىزمەت باستىعى
- قوجىقوۆ سەرٸك ەلٸبايۇلى – مەملەكەتتٸك كٷزەت قىزمەتٸ "ايبىن" پرەزيدەنتتٸك پولكٸنٸڭ باسقارما باستىعى
- نۇرانوۆ ميرجان قايراتۇلى – ۇلتتىق قاۋٸپسٸزدٸك كوميتەتٸنٸڭ دەپارتامەنتٸ باستىعىنىڭ ورىنباسارى
- نۇركەلديەۆ داستان سماعۇلۇلى – قازاقستان رەسپۋبليكاسى قارۋلى كٷشتەرٸ ەسكەري پوليتسيياسىنىڭ باس باسقارما باستىعىنىڭ ورىنباسارى
- وماروۆ اسحات نۇربولۇلى – مەملەكەتتٸك كٷزەت قىزمەتٸنٸڭ باسقارما باستىعى
- ٶتەگەنوۆ ەرلان راحىمجانۇلى – استانا قالاسىنىڭ پروكۋرورى
- رۋدكوۆسكيي دەنيس يوسيفوۆيچ – ٸشكٸ ٸستەر مينيسترلٸگٸنٸڭ دەپارتامەنت باستىعىنىڭ ورىنباسارى
- تويشىبەكوۆ اسقار تاسبولاتۇلى – تٶتەنشە جاعدايلار مينيسترلٸگٸنٸڭ الماتى وبلىسى تٶتەنشە جاعدايلار دەپارتامەنتٸنٸڭ باستىعى;
III دەرەجەلٸ "ايبىن" وردەنٸمەن:
- كەمباەۆ ەدٸلەت ەرٸكۇلى – ٸشكٸ ٸستەر مينيسترلٸگٸنٸڭ "الماتى قالاسى مامانداندىرىلعان كٷزەت قىزمەتٸ باسقارماسى" مم ۆزۆود كومانديرٸنٸڭ كٶمەكشٸسٸ;
"قۇرمەت" وردەنٸمەن:
- دٷيسەكوۆا ەلييا ابايقىزى – ٸشكٸ ٸستەر مينيسترلٸگٸنٸڭ دەپارتامەنت باستىعىنىڭ ورىنباسارى
- وماروۆ عالىمجان جۇماحانۇلى – قورعانىس مينيسترلٸگٸ ەسكەري كلينيكالىق گوسپيتالٸ باستىعىنىڭ ورىنباسارى;
"ەرلٸگٸ ٷشٸن" مەدالٸمەن:
- بايعوناقوۆ ازامات سايرانۇلى – قازاقستان رەسپۋبليكاسى ۇلتتىق ۇلانىنىڭ "ورتالىق" ٶڭٸرلٸك قولباسشىلىعى 5510 ەسكەري بٶلٸمٸنٸڭ شتاب باستىعى – جاساق كومانديرٸنٸڭ ورىنباسارى
- دەۋرەنقۇلوۆ ەدٸل ەركٸنۇلى – تٶتەنشە جاعدايلار مينيسترلٸگٸ الماتى قالاسى تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸ №1 مامانداندىرىلعان ٶرت سٶندٸرۋ بٶلٸمٸنٸڭ ٶرت سٶندٸرۋشٸسٸ – قۇتقارۋشىسى
- ىسقاقوۆ ەرمەك ەرجانۇلى – تٶتەنشە جاعدايلار مينيسترلٸگٸ اباي وبلىسى تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸ №1 مامانداندىرىلعان ٶرت سٶندٸرۋ بٶلٸمٸنٸڭ بٶلٸمشە كومانديرٸ;
"جاۋىنگەرلٸك ەرلٸگٸ ٷشٸن" مەدالٸمەن:
- ابزاليەۆ ولجاس قايراتپەكۇلى – مەملەكەتتٸك كٷزەت قىزمەتٸنٸڭ اعا ينسپەكتورى
- دٷيسەنوۆا راۋشان بولاتقىزى – ۇلتتىق قاۋٸپسٸزدٸك كوميتەتٸنٸڭ باسقارما باستىعى
- قالقۇزوۆ ەربول ٶتەگەنۇلى – ۇلتتىق قاۋٸپسٸزدٸك كوميتەتٸنٸڭ باسقارما باستىعى
- قونىسباەۆ الماس قۇدايبەرگەنۇلى – قورعانىس مينيسترلٸگٸ 10810 ەسكەري بٶلٸمٸ موتواتقىشتار باتالونى مەرگەندەر ۆزۆودىنىڭ كومانديرٸ
- نۇعىمانوۆ باقىتجان زەينوللاۇلى – قازاقستان رەسپۋبليكاسى سىبايلاس جەمقورلىققا قارسى ٸس-قيمىل اگەنتتٸگٸنٸڭ (سىبايلاس جەمقورلىققا قارسى قىزمەتتٸڭ) قىزىلوردا وبلىسى بويىنشا دەپارتامەنتٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ
- وماروۆ جەڭٸس ومارۇلى – قازاقستان رەسپۋبليكاسى سىبايلاس جەمقورلىققا قارسى ٸس-قيمىل اگەنتتٸگٸنٸڭ (سىبايلاس جەمقورلىققا قارسى قىزمەتتٸڭ) الماتى وبلىسى بويىنشا دەپارتامەنتٸنٸڭ اسا ماڭىزدى ٸستەر جٶنٸندەگٸ وفيتسەرٸ
- سنادينوۆ ايدوس شىنبايۇلى – ۇلتتىق قاۋٸپسٸزدٸك كوميتەتٸنٸڭ اقتٶبە وبلىسى بويىنشا دەپارتامەنتٸ باسقارما باستىعىنىڭ ورىنباسارى.
