Prezidenttiń tapsyrmasy boiynsha Úkimet 2020 jyly biýdjet salasyndaǵy 883 myń qyzmetkerdiń eńbekaqysyn ósirgen, dep habarlaidy "Ult aqparat".
Atalmysh málimet Memleket basshysynyń Premer-Ministr Asqar Mamindi qabyldaýynda aityldy.
«Atap aitqanda 609 myń pedagogtyń jalaqysy 25 paiyzǵa, 215 myń meditsina qyzmetkeriniń eńbekaqysy 30 paiyzǵa deiin, mádeniet, arhiv jáne óner salasyndaǵy 34 myń qyzmetker men áleýmettik qorǵaý salasyndaǵy 25 myń qyzmetkerdiń jalaqysy 50 paiyzǵa deiin kóbeigen. Prezident biyl da biýdjet salasyndaǵy 1 million 70 myń qyzmetkerdiń eńbekaqysyn, onyń ishinde, 785 myń pedagogtyń jalaqysyn 25 paiyzǵa, 247 myń meditsina qyzmetkeriniń eńbekaqysyn 30 paiyzǵa, áleýmettik qorǵaý salasyndaǵy áleýmettik-meditsinalyq mekemelerdiń 38 myń qyzmetkeriniń jalaqysyn 45 paiyzǵa deiin arttyrý jumysyn jalǵastyrý asa mańyzdy mindet dep esepteidi», delingen habarlamada.
Eske sala ketsek, Asqar Mamin Prezidentke elimizdegi sanitarlyq-epidemiialyq ahýal men áleýmettik-ekonomikalyq damýdyń ózekti máseleleri týraly baiandady.
