Prezident Qasym-Jomart Toqaev birqatar memlekettiń elshilerinen senim gramotalaryn qabyldady, - dep habarlaidy "Ult aqparat" Aqordaǵa silteme jasap.
Aqorda rezidentsiiasynda 5 memlekettiń Tótenshe jáne Ókiletti elshileriniń Qazaqstan Prezidentine senim gramotalaryn tapsyrý rásimi ótti. Memleket basshysyna Liviia elshisi Aladdin Abdýlsalam Lehýaik, Kýveit elshisi Omar Ahmed Muhammed Mýrad ál-Kandari, Slovakiia elshisi Robert Kirnag, Aljir elshisi Kamal Fenish jáne Keniia elshisi Benson Genri Oýma Ogýtý senim gramotalaryn tabys etti.
Qasym-Jomart Toqaev diplomattarmen áńgimelesý kezinde olardy elimizdegi diplomatiialyq missiiasynyń resmi bastalýymen quttyqtap, Qazaqstanmen ekijaqty qarym-qatynasty damytýǵa úles qosatynyna senim bildirdi.
Memleket basshysy Qazaqstan dostyq jáne ózara tiimdi qarym-qatynastardy damytýǵa baǵyttalǵan beibit jáne ashyq syrtqy saiasat júrgizip jatqanyn atap ótti.
Is-shara sońynda Prezident túrli baǵyttaǵy birlesken jobalardy júzege asyrýda múmkindikterdiń bar ekenin aityp, elshilerge elimizde igi mindetterin oryndaýda Qazaqstan Úkimetiniń qoldaý kórsetetinin jetkizdi.
