© Sputnik / Abzal Kaliev
Prezident Qasym-Jomart Toqaev memlekettik qyzmetshiler jáne biýdjettik qyzmetkerlerdiń bir kúndik jalaqysyn "Qazaqstan halqyna" qoryna aýdarý "múldem qajetsiz bastama" ekenin aitty, - dep habarlaidy Tengrinews.kz tilshisi.
"Úndeýimdi qoldap, "Qazaqstan halqyna" qoryna qarajat aýdaryp jatqandarǵa alǵys bildiremin. Bul igi jáne der kezinde jasalǵan áreketter eń joǵary baǵaǵa laiyq. Biraq bul jerde formalizm múldem bolmaýy kerek. Memlekettik qyzmetshilerden, biýdjettik qyzmetkerlerden bir kúndik jalaqy jinala bastady. Bul múlde qajetsiz bastama", - dedi Prezident.
Memleket basshysy qor biýdjettik qor emes ekenin basa aitty.
"Bul - Qazaqstan halqynyń qory. Sondyqtan onyń jumysyn biýrokratiialyq protsedýrasyz qurý kerek. Bul jumys tolyq ashyq bolady. Barlyq iri kompaniia paidaly qaiyrymdylyq qyzmetpen ainalysatyn qorǵa úkimet belgilegen salyq kirisiniń paiyzyn engizedi. Biznes qaýymdastyq bul bastamany shyn júrekten qoldaidy jáne qorǵa jobany júzege asyrýǵa kómektesedi dep senemin", - dedi Toqaev.
