QR Prezidenti Qasym-Jomart Toqaev Bas prokýratýranyń basshylyq quramymen ótken keńeste beibit jiyndar ótkizý týraly aitty. Bul týraly Prezidenttiń baspasóz hatshysy Berik Ýáli jelidegi paraqshasynda jazdy.
«Byltyrdan bastap Qazaqstanda beibit jiyndar ótkizý týraly múlde jańa zań kúshine endi. Eger buryn qoldanysta bolǵan zańda ruqsat alý protsedýrasy bolsa, jańa zańda miting ótkizý týraly habarlasa jetkilikti. Sonymen qatar iri qalalardyń ortalyqtarynda beibit jiyndarǵa, onyń ishinde, narazylyq aktsiialaryn ótkizýge arnaiy oryndar belgilengen.
Bul - bizdiń qoǵamdy demokratiialandyrý jolyndaǵy óte mańyzdy qadam. Bul saiasatty bizdiń qoǵamda ǵana emes, shetelderde de túsindirýimiz kerek. Jiyn ótkizgisi keletinder jańa zańǵa baǵynýǵa mindetti.
Azamattardyń bilikke qatysty óz oiyn bildirý, syni pikir aitý quqynan eshkim aiyra almaidy. Bul olardyń konstitýtsiialyq quqyǵy jáne ol qatań túrde zań aiasynda oryndalýy kerek», - dedi QR Prezidenti Qasym-Jomart Toqaev Bas prokýratýranyń basshylyq quramymen ótken keńeste sóilegen sózinde.
