قر پرەزيدەنتٸ قاسىم-جومارت توقاەۆ باس پروكۋراتۋرانىڭ باسشىلىق قۇرامىمەن ٶتكەن كەڭەستە بەيبٸت جيىندار ٶتكٸزۋ تۋرالى ايتتى. بۇل تۋرالى پرەزيدەنتتٸڭ باسپاسٶز حاتشىسى بەرٸك ۋەلي جەلٸدەگٸ پاراقشاسىندا جازدى.
«بىلتىردان باستاپ قازاقستاندا بەيبٸت جيىندار ٶتكٸزۋ تۋرالى مٷلدە جاڭا زاڭ كٷشٸنە ەندٸ. ەگەر بۇرىن قولدانىستا بولعان زاڭدا رۇقسات الۋ پروتسەدۋراسى بولسا, جاڭا زاڭدا ميتينگ ٶتكٸزۋ تۋرالى حابارلاسا جەتكٸلٸكتٸ. سونىمەن قاتار ٸرٸ قالالاردىڭ ورتالىقتارىندا بەيبٸت جيىندارعا, ونىڭ ٸشٸندە, نارازىلىق اكتسييالارىن ٶتكٸزۋگە ارنايى ورىندار بەلگٸلەنگەن.
بۇل - بٸزدٸڭ قوعامدى دەموكراتييالاندىرۋ جولىنداعى ٶتە ماڭىزدى قادام. بۇل ساياساتتى بٸزدٸڭ قوعامدا عانا ەمەس, شەتەلدەردە دە تٷسٸندٸرۋٸمٸز كەرەك. جيىن ٶتكٸزگٸسٸ كەلەتٸندەر جاڭا زاڭعا باعىنۋعا مٸندەتتٸ.
ازاماتتاردىڭ بيلٸككە قاتىستى ٶز ويىن بٸلدٸرۋ, سىني پٸكٸر ايتۋ قۇقىنان ەشكٸم ايىرا المايدى. بۇل ولاردىڭ كونستيتۋتسييالىق قۇقىعى جەنە ول قاتاڭ تٷردە زاڭ اياسىندا ورىندالۋى كەرەك», - دەدٸ قر پرەزيدەنتٸ قاسىم-جومارت توقاەۆ باس پروكۋراتۋرانىڭ باسشىلىق قۇرامىمەن ٶتكەن كەڭەستە سٶيلەگەن سٶزٸندە.
