Prezident Qasym-Jomart Toqaev Belgiia Koroli Filippke kóńil aitý jedelhatyn joldady, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy «Bernd» tsiklonynan týyndaǵan tolassyz jańbyr men sý tasqyny saldarynan kóptegen adamnyń qaza tapqany týraly sýyt habardy zor kúizelispen qabyldady.
«Osyndai aýyr sátte jaqyndarynan aiyrylǵan azaly otbasylardyń orny tolmas qaiǵylaryna ortaqtasa otyryp, Sizge jáne búkil belgiialyqtarǵa Qazaqstan halqynyń jáne jeke ózimniń atymnan kóńil aitamyn. Tabiǵi apattan jaralanǵandardyń tez arada saýyǵyp ketýine jáne iz-tússiz joǵalǵandardyń aman-esen otbasylaryna oralýyna tilektestik bildiremin», – delingen jedelhatta.
