Foto: Akorda.kz
Memleket basshysy «Báiterek» ulttyq basqarýshy holdingi» AQ basqarma tóraǵasy Qanat Sharlapaevty qabyldady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa 2023 jyldyń I jartyjyldyǵyndaǵy «Báiterek» holdingi qyzmetiniń nátijeleri, sonyń ishinde kásipkerlerdi, agroónerkásip keshenin qoldaý jáne halyqty turǵyn úimen qamtamasyz etý jónindegi bastamalardyń iske asyrylý barysy týraly baiandaldy.
Prezidentke usynylǵan málimet boiynsha iri biznesti qarjylandyrý kólemi - 114,4 mlrd teńge. Holding «Damý» qory arqyly shaǵyn jáne orta biznesti damytýdy belsendi qoldaidy. Qor 15 myńnan astam kásipkerge qoldaý kórsetti.
Jyl basynan beri «Otbasy Banki» 29 myń otbasynyń baspanaly bolýyna kómektesken. Bank baspanany jalǵa berýdi sýbsidiialaý baǵdarlamasyna da belsendi qatysyp keledi. Baǵdarlama aiasynda I jáne II toptaǵy múgedektigi bar adamdarǵa, múgedektigi bar balalardy, jetim balalardy tárbielep otyrǵan otbasylarǵa jáne kópbalaly otbasylarǵa qaitarymsyz memlekettik qoldaý kórsetildi. Birinshi jartyjyldyqta atalǵan baǵyt boiynsha 9 myńnan astam ótinim maquldandy.
Sondai-aq «Agrarlyq nesie korporatsiiasy» AQ arqyly jyl basynan beri 271 mlrd teńgeden astam qarjy bólinip, 9 myńǵa jýyq fermerge qoldaý kórsetilgeni týraly habarlandy. Biyl 3,5 mln gektar jerge egin egildi. Bul – elimizdegi barlyq egis alqabynyń 15 paiyzy. Azyq-túlik qaýipsizdigin nyǵaitý jáne importqa táýeldilikti tómendetý úshin aýyl sharýashylyǵyndaǵy investitsiialyq jobalardy nesielendirýge 131 mlrd teńgeden astam qarajat bólindi. Agrarlyq sektordy qarjylandyrý kóleminiń 70 paiyzdan astamy «Agrarlyq kredittik korporatsiia» AQ men «QazAgroQarjy» AQ-ǵa tiesili.
Kezdesý sońynda Prezident biznestiń ahýalyn jaqsartýǵa jáne áleýmettik turǵyn úi saiasatyn jetildirýge baǵyttalǵan naqty tapsyrmalar berdi.
