Foto: Tengrinews.kz
Qasym-Jomart Toqaev Baýyrjan Baibekke atqarǵan qyzmeti úshin alǵys aitty, - dep habarlaidy "Ult aqparat".
"Memleket basshysy Qasym-Jomart Toqaev Baýyrjan Baibekke Nur Otan partiiasy tóraǵasynyń birinshi orynbasary laýazymyndaǵy kóp jylǵy jumysy úshin alǵys aitty", - dep jazdy Prezidenttiń baspasóz hatshysy Berik Ýáli.
Aita keteiik, Baibek Nur Otan partiiasy tóraǵasynyń birinshi orynbasary qyzmetine 2019 jyldyń maýsymynda taǵaiyndalǵan bolatyn.
Ol 1974 jyly 19 naýryzda Almaty qalasynda týǵan. "Bolashaq" baǵdarlamasy boiynsha Gete institýtyn (Bremen qalasy, 1995) "Nemis tili"; "Bolashaq" baǵdarlamasy boiynsha Liýbek qalasyndaǵy Joǵary mektepti (GFR, 1998) pedagog; Ortalyq Aziia ýniversitetin (2002) halyqaralyq ekonomist mamandyqtary boiynsha bitirgen.
"Nur Otan" HDP múshesi (2002 jyldan). 1999 jyldan - Maindaǵy Frankfýrt qalasy QR Bas konsýldyǵynyń referenti, attashesi - GFR-daǵy QR Elshiligi ekonomikalyq bóliminiń úshinshi hatshysy (Berlin qalasy). 2002 jyldan - QR Prezidenti Ákimshiligi Júieli zertteýler ortalyǵynyń sarapshysy. 2003 jyldan - QR Prezidenti Hattamasynyń aqparat pen taldaý sektorynyń meńgerýshisi, 2004 jyldan - bas inspektory, 2006 jyldan - hattama jetekshisi. 2009 jyldyń tamyz aiynan beri - QR Prezidenti Ákimshiligi jetekshisiniń orynbasary.
QR Prezidentiniń halyqaralyq "Bolashaq" stipendiiasy stipendiattary qaýymdastyǵy keńesiniń (2008 jyldan); Qazaq gýmanitarlyq zań ýniversiteti Qamqorshylyq keńesiniń (2010 jyldan) tóraǵasy.
