توقاەۆ بايبەككە العىس ايتتى

فوتو: Tengrinews.kz

قاسىم-جومارت توقاەۆ باۋىرجان بايبەككە اتقارعان قىزمەتٸ ٷشٸن العىس ايتتى, - دەپ حابارلايدى "ۇلت اقپارات".

"مەملەكەت باسشىسى قاسىم-جومارت توقاەۆ باۋىرجان بايبەككە Nur Otan پارتيياسى تٶراعاسىنىڭ بٸرٸنشٸ ورىنباسارى لاۋازىمىنداعى كٶپ جىلعى جۇمىسى ٷشٸن العىس ايتتى", - دەپ جازدى پرەزيدەنتتٸڭ باسپاسٶز حاتشىسى بەرٸك ۋەلي.

ايتا كەتەيٸك, بايبەك Nur Otan پارتيياسى تٶراعاسىنىڭ بٸرٸنشٸ ورىنباسارى قىزمەتٸنە 2019 جىلدىڭ ماۋسىمىندا تاعايىندالعان بولاتىن.

ول 1974 جىلى 19 ناۋرىزدا الماتى قالاسىندا تۋعان. "بولاشاق" باعدارلاماسى بويىنشا گەتە ينستيتۋتىن (برەمەن قالاسى, 1995) "نەمٸس تٸلٸ"; "بولاشاق" باعدارلاماسى بويىنشا ليۋبەك قالاسىنداعى جوعارى مەكتەپتٸ (گفر, 1998) پەداگوگ; ورتالىق ازييا ۋنيۆەرسيتەتٸن (2002) حالىقارالىق ەكونوميست ماماندىقتارى بويىنشا بٸتٸرگەن.

"نۇر وتان" حدپ مٷشەسٸ (2002 جىلدان). 1999 جىلدان - ماينداعى فرانكفۋرت قالاسى قر باس كونسۋلدىعىنىڭ رەفەرەنتٸ, اتتاشەسٸ - گفر-داعى قر ەلشٸلٸگٸ ەكونوميكالىق بٶلٸمٸنٸڭ ٷشٸنشٸ حاتشىسى (بەرلين قالاسى). 2002 جىلدان - قر پرەزيدەنتٸ ەكٸمشٸلٸگٸ جٷيەلٸ زەرتتەۋلەر ورتالىعىنىڭ ساراپشىسى. 2003 جىلدان - قر پرەزيدەنتٸ حاتتاماسىنىڭ اقپارات پەن تالداۋ سەكتورىنىڭ مەڭگەرۋشٸسٸ, 2004 جىلدان - باس ينسپەكتورى, 2006 جىلدان - حاتتاما جەتەكشٸسٸ. 2009 جىلدىڭ تامىز ايىنان بەرٸ - قر پرەزيدەنتٸ ەكٸمشٸلٸگٸ جەتەكشٸسٸنٸڭ ورىنباسارى.

قر پرەزيدەنتٸنٸڭ حالىقارالىق "بولاشاق" ستيپەنديياسى ستيپەندياتتارى قاۋىمداستىعى كەڭەسٸنٸڭ (2008 جىلدان); قازاق گۋمانيتارلىق زاڭ ۋنيۆەرسيتەتٸ قامقورشىلىق كەڭەسٸنٸڭ (2010 جىلدان) تٶراعاسى.