Prezident Qasym-Jomart Toqaev Básekelestikti qorǵaý jáne damytý agenttiginiń tóraǵasy Serik Jumanǵarindi qabyldady, dep habarlaidy Aqordanyń baspasóz qyzmeti.
Memleket basshysyna agenttik qurylǵannan beri atqarylǵan jumystar jaiynda baiandaldy. Serik Jumanǵarin vedomstvonyń ashyqtyq saiasatyn júzege asyryp jatqanyn, problemalyq máselelerdi qoǵam jáne biznes ókilderimen birlesip talqylaýǵa múmkindik beretin kraýdsorsingtik alańdar men kedergiler jónindegi keńesterdiń qurylǵanyn aitty.
Qasym-Jomart Toqaevqa PTR synamasynyń, jeke qorǵanys zattarynyń, sondai-aq, Qazaqstan áýejailaryndaǵy tutyný taýarlarynyń baǵasyn tómendetý jóninde bergen tapsyrmalarynyń oryndalýy jaiynda málimet berildi.
Budan bólek Memleket basshysyna Básekelestikti qorǵaý jáne damytý agenttiginiń saýda birjalarynyń qyzmetine, suiytylǵan gaz baǵasyn arzandatýǵa, naryqtaǵy dári-dármektiń baǵasyn turaqtandyrýǵa qatysty jasalǵan jumystar týraly aityldy.
Qazaqstan Prezidenti PTR synamasynyń, jeke qorǵanys zattarynyń jáne dári-dármek baǵasyn aiyryqsha baqylaýda ustaýdy tapsyrdy.
Qasym-Jomart Toqaev Agenttik basshysyna ekonomikanyń tiimdiligin arttyrýǵa, taýar birjasy men básekelestikti odan ári damytýǵa qatysty birqatar mindettemeler júktedi.
