پرەزيدەنت قاسىم-جومارت توقاەۆ بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعاريندٸ قابىلدادى, دەپ حابارلايدى اقوردانىڭ باسپاسٶز قىزمەتٸ.
مەملەكەت باسشىسىنا اگەنتتٸك قۇرىلعاننان بەرٸ اتقارىلعان جۇمىستار جايىندا باياندالدى. سەرٸك جۇمانعارين ۆەدومستۆونىڭ اشىقتىق ساياساتىن جٷزەگە اسىرىپ جاتقانىن, پروبلەمالىق مەسەلەلەردٸ قوعام جەنە بيزنەس ٶكٸلدەرٸمەن بٸرلەسٸپ تالقىلاۋعا مٷمكٸندٸك بەرەتٸن كراۋدسورسينگتٸك الاڭدار مەن كەدەرگٸلەر جٶنٸندەگٸ كەڭەستەردٸڭ قۇرىلعانىن ايتتى.
قاسىم-جومارت توقاەۆقا پتر سىناماسىنىڭ, جەكە قورعانىس زاتتارىنىڭ, سونداي-اق, قازاقستان ەۋەجايلارىنداعى تۇتىنۋ تاۋارلارىنىڭ باعاسىن تٶمەندەتۋ جٶنٸندە بەرگەن تاپسىرمالارىنىڭ ورىندالۋى جايىندا مەلٸمەت بەرٸلدٸ.
بۇدان بٶلەك مەملەكەت باسشىسىنا بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ ساۋدا بيرجالارىنىڭ قىزمەتٸنە, سۇيىتىلعان گاز باعاسىن ارزانداتۋعا, نارىقتاعى دەرٸ-دەرمەكتٸڭ باعاسىن تۇراقتاندىرۋعا قاتىستى جاسالعان جۇمىستار تۋرالى ايتىلدى.
قازاقستان پرەزيدەنتٸ پتر سىناماسىنىڭ, جەكە قورعانىس زاتتارىنىڭ جەنە دەرٸ-دەرمەك باعاسىن ايىرىقشا باقىلاۋدا ۇستاۋدى تاپسىردى.
قاسىم-جومارت توقاەۆ اگەنتتٸك باسشىسىنا ەكونوميكانىڭ تيٸمدٸلٸگٸن ارتتىرۋعا, تاۋار بيرجاسى مەن بەسەكەلەستٸكتٸ ودان ەرٸ دامىتۋعا قاتىستى بٸرقاتار مٸندەتتەمەلەر جٷكتەدٸ.
