Memleket basshysy Qasym-Jomart Toqaev Básekelestikti qorǵaý jáne damytý agenttiginiń tóraǵasy Marat Omarovty qabyldady, - dep habarlaidy "Ult aqparat" Aqorda saityna silteme jasap.
Qasym-Jomart Toqaev agenttik júrgizip jatqan monopoliiaǵa qarsy tergeý jumystary týraly esepti tyńdady. Jyl basynan beri básekelestikti qorǵaý zańnamasyn buzý belgileri bar 293 habarlama berilgen, onyń 78 paiyzy óz erkimen oryndaldy.
Marat Omarovtyń málimetinshe, Agenttik jumysyndaǵy strategiialyq baǵyttar – básekelestikti damytý jáne qorǵaý boiynsha tiimdi jumysty qamtamasyz etý, óndiristiń negizgi faktorlarynyń kásipkerlik sýbektilerine teńdei qoljetimdi bolýyn qamtamasyz etý, jeke bastamany qoldaý jáne básekelestik alańyn favoritizmnen tazartý.
Memleket basshysyna Joldaýda aitylǵan, sonyń ishinde biryńǵai operatorlardy qysqartý jáne konglomerattardyń qyzmetin retteý bóliginde berilgen tapsyrmalaryn júzege asyrý josparlary týraly baiandaldy. Agenttik memlekettik qoldaý sharalarynyń teńdei qoljetimdi bolýyn qamtamasyz etýge, ekonomikadaǵy jeke kásipkerliktiń úlesin arttyrýǵa, ekonomikanyń negizgi salalarynda básekelestikti damytý jumysyna erekshe kóńil bóledi.
Kezdesý sońynda Prezident Agentik basshysyna birqatar naqty tapsyrmalar berdi.
