Prezident Qasym-Jomart Toqaev Bas prokýror Berik Asylovty qabyldady, dep habarlaidy "Ult aqparat" Aqordaǵa silteme jasap.
Memleket basshysyna qańtar oqiǵasyn tergep-tekserý jumystarynyń barysy týraly baiandaldy.
Sonymen qatar Prezidentke shetelden aktivterdi qaitarý isi boiynsha qabyldanyp jatqan sharalar týraly málimet berildi. Rezonans týdyrǵan qylmystyq ister boiynsha figýranttardyń qylmystyq jolmen jinaǵan kapitalynyń shyǵyp ketýin anyqtaý maqsatynda olardyń shetelge jylystatylýyna taldaý jasalýda.
Berik Asylov Qasym-Jomart Toqaevqa jýyrdaǵy Qazaqstan halqyna Joldaýynda bergen tapsyrmalarynyń júzege asyrylýy týraly aitty. Atap aitqanda, Bas prokýrordyń Konstitýtsiialyq Sotqa júginý quqyǵy týraly Konstitýtsiianyń 83-babyna engiziletin túzetýler daiyndalýda, sondai-aq «Prokýratýra týraly» jańa Konstitýtsiialyq zań ázirleý bastaldy. Salalyq zańnyń basty basymdyǵy – azamattardyń konstitýtsiialyq quqyqtary men bostandyqtaryn qorǵaý.
Zań jobasyna Adam quqyqtary jónindegi ýákilmen, quqyq qorǵaýshylarmen jáne azamattyq qoǵammen ózara is-qimyl jasaý, prokýrorlardyń derbestigi men jaýapkershiligin arttyrý tetigi týraly erejelerdi engizý josparlanyp otyr.
Budan bólek, Prezidentke azaptaýlardy tergep-tekserý boiynsha prokýrorlarǵa ókilettik berýge, otbasy-turmystyq zorlyq-zombylyqtar úshin jaýapkershilikti kúsheitýge qatysty tapsyrmalardyń oryndalýy týraly aityldy.
Qasym-Jomart Toqaev qadaǵalaý organynyń halyqpen ózara yqpaldastyǵyn jandandyrýdyń mańyzdy ekenin atap ótip, Bas prokýrorǵa birqatar tapsyrma berdi.
