Qasym-Jomart Toqaev partiialar men qoǵamdyq birlestikterge prezidenttikke kandidatýrasyn usynǵany úshin alǵys bildirdi, - dep habarlaidy "Ult aqparat" Aqordanyń baspasóz qyzmetine silteme jasap.
"Biz jańa saiasi dáýirge qadam bastyq. 20 qarashada kezekten tys Prezident sailaýy ótedi. Bul – bolashaq damý baǵdarymyzdy aiqyndaityn asa mańyzdy naýqan. Túrli qoǵamdyq uiymdary maǵan ózderiniń atynan sailaýǵa túsý týraly usynys bildirdi.
Men buǵan deiin Memleket basshysy eshbir partiiaǵa basymdyq bermei, saiasi turǵydan beitarap bolý qajettigin aittym. Osy ustanymym ózgermeidi. Barshańyz usynǵan ortaq kandidat retinde prezident sailaýyna túsý – men úshin zor mártebe ári úlken jaýapkershilik.
Maǵan senim artqandaryńyz úshin barshańyzǵa rizashylyǵymdy bildiremin. Koalitsiiada basty saiasi partiialardyń, qoǵamdyq uiymdar men qozǵalystardyń bolýy óte mańyzdy. Sebebi, onda barlyq áleýmettik toptar qamtylǵan", - dedi Prezident.
