Foto: Aqorda
Bul týraly Prezidenttiń baspasóz qyzmetshisi Rýslan Jeldibai habarlady.
Memleket basshysy Qasym-Jomart Toqaev Vashingtonda Ázerbaijan men Armeniia qol qoiǵan kelisimdi eki el arasyndaǵy uzaqqa sozylǵan áskeri qaqtyǵysty toqtatatyn, diplomatiialyq qatynasty ornatýǵa jáne berik bitim negizinde yntymaqtastyqty damytýǵa jol ashatyn tarihi qadam dep baǵalady.
Prezidenttiń aitýynsha, mundai ýaǵdalastyqqa qol jetkizý AQSh Prezidenti Donald Tramptyń tiimdi bitimgerlik missiiasynyń arqasynda múmkin boldy. Ol Ázerbaijan men Armeniia basshylaryn saiasi erik-jiger tanytyp, strategiialyq turǵydan mańyzdy sheshim qabyldaýǵa kóndire aldy.
Qasym-Jomart Toqaev Qazaqstan da bul kelisimge eleýli úles qosqanyn atap ótti. Elimiz beibit kelisimniń negizgi sharttaryn talqylaý úshin Almatyny syrtqy ister ministrleriniń deńgeiindegi kelissóz alańy retinde usyndy.
Ministrler arasyndaǵy kelissózder Almatyda ótti.
